18-Nov-2018 (Sun)
 
 
 
 
‍കോടഞ്ചേരിയിലും താമരശ്ശേരിയിലും കഞ്ചാവ് പിടികൂടി; രണ്ടുപേര്‍ അറസ്റ്റില്‍
   
vps
02-Nov-2018
 

താമരശ്ശേരി: കോടഞ്ചേരിയിലും താമരശ്ശേരിയിലും കഞ്ചാവ് വില്‍പ്പനക്കാര്‍ പിടിയില്‍. കല്ലുരുട്ടി തെച്യാട് മേലേപാവിട്ടക്കണ്ടി അഫ്‌സല്‍(22), തലയാട് തെച്ചി കുറ്റിക്കാട്ടില്‍ ഷെഹനാദ്(21) എന്നിവരാണ് പിടിയിലായത്. അഫ്‌സലിനെ 285 ഗ്രാം കഞ്ചാവുമായി കോടഞ്ചേരി പോലീസും ഷെഹനാദിനെ 150 ഗ്രാം കഞ്ചാവുമായി താമരശ്ശേരി എക്‌സൈസുമാണ് അറസ്റ്റ് ചെയ്തത്. മുക്കം, കോടഞ്ചേരി മേഖലകളില്‍ വിദ്യാര്‍ത്ഥികള്‍ ഉള്‍പ്പെടെയുള്ളവര്‍ക്ക് കഞ്ചാവ് എത്തിച്ചുകൊടുക്കുന്നതായ വിവരത്തെ തുടര്‍ന്ന് നടത്തിയ അന്വേഷണത്തിലാണ് അഫ്‌സല്‍ പിടിയിലായത്. കഞ്ചാവുമായി കോടഞ്ചേരി ബസ്റ്റാന്റ് പരിസരത്തെത്തിയ പ്രതിയെ അഡീഷനല്‍ എസ് ഐ. യു രാജന്‍, സി പി ഒ മാരായ വിബീഷ്, വിനീഷ് എന്നിവര്‍ ചേര്‍ന്നാണ് അറസ്റ്റ് ചെയ്തത്. താമരശ്ശേരി കോടതിയില്‍ ഹാജറാക്കിയ പ്രതിയെ 14 ദിവസത്തേക്ക് റിമാണ്ട് ചെയ്തു. പുനൂര്‍, അവേലം, തച്ചംപൊയില്‍ ഭാഗങ്ങളില്‍ സ്ഥിരമായി കഞ്ചാവു വില്‍പന നടത്തുന്നതായ വിവരത്തെ തുടര്‍ന്ന് ഷെഹനാദിനെ എക്‌സൈസ് ഷാഡോ സംഘം നിരീക്ഷിച്ചു വരികയായിരുന്നു. താമരശ്ശേരി എക്‌സൈസ് ഇന്‍സ്‌പെക്ടര്‍ പി പി വേണു, അസി. എക്സൈസ് ഇന്‍സ്‌പെക്ടര്‍ ജയിംസ് മാത്യു, സിവില്‍ എക്സൈസ് ഓഫീസര്‍മാരായ ടി നൗഫല്‍, ജിനീഷ്, അശ്വന്ത് വിശ്വന്‍, മനോജ് കുമാര്‍, ഡ്രൈവര്‍ സുബൈര്‍ എന്നിവരടങ്ങിയ സംഘമാണ് കഞ്ചാവ് പിടികൂടിയത്. പ്രതിയെ താമരശ്ശേരി കോടതിയില്‍ ഹാജരാക്കി.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies