18-Nov-2018 (Sun)
 
 
 
 
‍കാക്കിപ്പട കസവണിഞ്ഞ് കേരളപ്പിറവി ആഘോഷിച്ചു
   
vps
02-Nov-2018
 

ബാലുശ്ശേരി: അറുപത്തിരണ്ടാം കേരളപ്പിറവി ദിനാഘോഷം കസവണിഞ്ഞ് വ്യത്യസ്തമാക്കി ബാലുശ്ശേരി പോലീസ്. സി ഐ ഉള്‍പ്പെടെ സ്‌റ്റേഷനിലെ 58 പോലീസുകാരും കേരളീയ വേഷത്തില്‍ എത്തിയാണ് കേരളപ്പിറവി ആഘോഷിച്ചത്. പുരുഷന്‍മാര്‍ കസവുമുണ്ടും ഷര്‍ട്ടും അണിഞ്ഞപ്പോള്‍ വനിതകള്‍ സെറ്റ് സാരിയുടുത്താണ് എത്തിയത്. ചടങ്ങിന്റെ ഉദ്ഘാടനം ഗാനമാലപിച്ചുകൊണ്ട് പ്രമുഖ സംഗീതജ്ഞന്‍ ഹരിപ്പാട് കെ പി എന്‍ പിള്ള നിര്‍വഹിച്ചു. ചടങ്ങില്‍ സി ഐ. കെ സുഷീര്‍ അധ്യക്ഷത വഹിച്ചു. എസ് ഐ. കെ സുമിത്കുമാര്‍ ഹരിപ്പാടിന് ഉപഹാരം നല്‍കി. ഏറ്റവും നല്ല കേരളീയ വേഷധാരിയായി സിവില്‍ പോലീസ് ഓഫീസര്‍ ഒ ഷിബു, വനിതവിഭാഗത്തില്‍ പി ഷൈനി എന്നിവരെ തിരഞ്ഞെടുത്തു. ഇവര്‍ക്കുള്ള ഉപഹാരങ്ങള്‍ ഹരിപ്പാട് കെ പി എന്‍ പിള്ള കൈമാറി. കെ ജിദേഷ്, കെ സി പ്രത്യൂരാജ്, പി പി ലളിത എന്നിവര്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies