18-Nov-2018 (Sun)
 
 
 
 
‍ആരവങ്ങളും ആഘോഷങ്ങളുമില്ലാതെ താമരശ്ശേരി ഉപജില്ലാ കലോത്സവം
   
vps
03-Nov-2018
 

കോടഞ്ചേരി: പ്രളയത്തിന് ശേഷമുള്ള താമരശ്ശേരി ഉപജില്ലാ കലോത്സവം ആരവങ്ങളും ആഘോഷങ്ങളുമില്ലാതെ കോടഞ്ചേരിയില്‍ നടന്നു. ചുരുങ്ങിയ ചെലവില്‍ മത്സരങ്ങള്‍ ക്രമീകരിച്ച് റവന്യൂ ജില്ലാ മത്സരത്തിലേക്കുള്ള തെരഞ്ഞടുപ്പ് നടത്താനുള്ള തീരുമാനത്തിന്റെ ഭാഗമായാണ് സെന്റ് ജോസഫ് ഹൈസ്‌കൂള്‍, ഹയര്‍ സെക്കന്റി സ്‌കൂള്‍ എന്നിവിടങ്ങളിലെ ക്ലാസ് മുറികളില്‍ വേദികള്‍ സഞ്ചീകരിച്ചത്. ഹൈസ്‌കൂള്‍, ഹയര്‍ സെക്കന്റി വിഭാഗങ്ങളില്‍ നിന്നായി എണ്ണൂറോളം വിദ്യാര്‍ത്ഥികളാണ് മാറ്റുരക്കാനെത്തിയത്. ഉദ്ഘാടനമോ സമാപന ചടങ്ങോ ഇല്ലാതെ മത്സരങ്ങള്‍ മാത്രം നടത്തുകയും റവന്യൂ ജില്ലയിലേക്ക് യോഗ്യത നേടിയവരെ പ്രഖ്യാപിക്കുകയുമായിരുന്നു. വിദ്യാര്‍ത്ഥികളുടെ ഗ്രേസ് മാര്‍ക്ക് ഉള്‍പ്പെടെ നഷ്ടപ്പെടാതിരിക്കാന്‍ ചെലവ് ചുരുക്കിയാണ് പരിപാടി സംഘടിപ്പിച്ചതെന്ന് ഉപജില്ലാ വിദ്യാഭ്യാസ ഓഫീസര്‍ മുഹമ്മദ് അബ്ബാസ് പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies