18-Nov-2018 (Sun)
 
 
 
 
‍താമരശ്ശേരിയിലെ നൂറ് വോട്ടുകള്‍ ഓമശ്ശേരിലേക്ക് മാറ്റി: പരാതിയുമായി യു ഡി എഫ്
   
vps
03-Nov-2018
 

താമരശ്ശേരി: താമരശ്ശേരി ഗ്രാമപഞ്ചായത്തിലെ 40-ാം നമ്പര്‍ ബൂത്തില്‍ നിന്നും ക്രമനമ്പര്‍ 773 മുതല്‍ 872 വരെയുള്ള നൂറ് വോട്ടുകള്‍ ഓമശ്ശേരി ഗ്രാമപഞ്ചായത്തിലെ 41-ാം നമ്പര്‍ ബൂത്തിലേക്ക് മാറ്റിയ നടപടിക്കെതിരെ പ്രതിഷേധം ശക്തമാവുന്നു. നാല്‍പ്പതാം ബൂത്തില്‍ വോട്ടര്‍മാരുടെ എണ്ണം വര്‍ധിച്ചതിനെ തുടര്‍ന്ന് ക്രമ നമ്പര്‍ പ്രകാരം അടുത്ത ബൂത്തിലേക്ക് മാറ്റിയതിലെ അശാസ്ത്രീയതക്കെതിരെയാണ് പ്രിഷേധം. താമരശ്ശേരി പഞ്ചായത്തിലെ അണ്ടോണ പ്രദേശത്തുള്ള വോട്ടര്‍മാര്‍ നാല് കിലോമീറ്ററോളം സഞ്ചരിച്ച് വെളിമണ്ണയിലെ ബൂത്തിലെത്തണമെന്നും ഇത് പലര്‍ക്കും പ്രയാസങ്ങള്‍ സൃഷ്ടിക്കുമെന്നുമാണ് ആക്ഷേപം. അശാസ്ത്രീയ രീതിയില്‍ ബൂത്ത് ക്രമീകരിച്ച ഉദ്യോഗസ്ഥര്‍ക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് യു ഡി എഫ് താമരശ്ശേരി പഞ്ചായത്ത് കമ്മിറ്റി തെരഞ്ഞെടപ്പ് കമ്മീഷന് പരാതി നല്‍കി. പരിഹാരം ഉണ്ടായില്ലെങ്കില്‍ ശക്തമായ പ്രക്ഷോഭ പരിപാടികള്‍ക്ക് നേതൃത്വം നല്‍കുമെന്ന് യു ഡി എഫ് അറിയിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies