18-Nov-2018 (Sun)
 
 
 
 
‍എട്ടാം ക്ലാസ് വരെയുള്ള മുഴുവന്‍ വിദ്യാര്‍ത്ഥികള്‍ക്കും കൈത്തറി യൂണിഫോം: മന്ത്രി ഇ പി ജയരാജന്‍
   
vps
09-Nov-2018
 

കൊടുവള്ളി: അടുത്ത അധ്യായന വര്‍ഷം സംസ്ഥാനത്തെ എട്ടാം ക്ലാസ് വരെയുള്ള മുഴുവന്‍ വിദ്യാര്‍ത്ഥികള്‍ക്കും കൈത്തറി യൂണിഫോം വിതരണം ചെയ്യുമെന്ന് വ്യവസായ-കായിക വകുപ്പു മന്ത്രി ഇ പി ജയരാജന്‍. സര്‍ക്കാര്‍ വിദ്യാലയങ്ങളുടെ അടിസ്ഥാന സൗകര്യങ്ങള്‍ വര്‍ധിപ്പിക്കുന്നതിന്റെ ഭാഗമായി കൊടുവള്ളി കരുവന്‍പൊയില്‍ ഗവണ്‍മെന്റ് യു പി സ്‌കൂളിന് സര്‍ക്കാര്‍ അനുവദിച്ച ഒരു കോടി രൂപ ചെലവഴിച്ചുള്ള കെട്ടിടത്തിന്റെയും കാരാട്ട് റസാഖ് എം എല്‍ എ അനുവദിച്ച മൂന്ന് ക്ലാസ് മുറികളുടെയും എസ് എസ് എ ഫണ്ട് ഉപയോഗിച്ച് നിര്‍മിക്കുന്ന രണ്ട് ക്ലാസ് മുറികളുടെയും തറക്കല്ലിടലും മുന്‍ എം എല്‍ എ. വി എം ഉമ്മര്‍ മാസ്റ്ററുടെ ആസ്ഥി വികസന ഫണ്ട് ഉപയോഗിച്ച് നിര്‍മിച്ച ഹൈസ്‌കൂള്‍ കെട്ടിടത്തിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ധേഹം. പഴയ കാലത്തെ അപേക്ഷിച്ച് വിദ്യാര്‍ത്ഥികള്‍ ബുദ്ധിമാന്‍മാരാണെന്നും ഇതിന്നനുസരിച്ചുള്ള സൗകര്യങ്ങളാണ് വിദ്യാലയങ്ങളില്‍ സര്‍ക്കാര്‍ ഒരുക്കുന്നതെന്നും മന്ത്രി പറഞ്ഞു. ഏഷ്യന്‍ പാരാലമ്പിക്‌സ് ഒളിമ്പിക്‌സില്‍ വെള്ളിമെഡില്‍ നേടിയ മുഹമ്മദ് സ്വാലിഹ്, സംസ്ഥാന അധ്യാപക അവാര്‍ഡ് നേടിയ പോള്‍ മാസ്റ്റര്‍, മികച്ച അംഗന്‍വാടി വര്‍ക്കര്‍ക്കുള്ള അവാര്‍ഡ് നേടിയ ഷൈലജ എന്നിവരെ ചടങ്ങില്‍ ആദരിച്ചു. കാരാട്ട് റസാഖ് എം എല്‍ എ അധ്യക്ഷത വഹിച്ചു. കുന്ദമംഗലം എം എല്‍ എ. അഡ്വ. പി ടി എ റഹീം മുഖ്യാതിഥിയായിരുന്നു. മുന്‍ എം എല്‍ എ. വി എം ഉമ്മര്‍ മാസ്റ്റര്‍, നഗരസഭ ചെയര്‍ പേഴ്‌സണ്‍ ശരീഫ കണ്ണാടിപ്പൊയില്‍, വൈസ് ചെയര്‍മാന്‍ എ പി മജീദ്, കൗണ്‍സിലര്‍ വായോളി മുഹമ്മദ് മാസ്റ്റര്‍ തുടങ്ങിയവര്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies