16-Dec-2018 (Sun)
 
 
 
 
‍മലയോര മഹോത്സവം: സംഘാടകസമിതി രൂപവത്കരിച്ചു
   
vps
21-Nov-2018
 

തിരുവമ്പാടി: പ്രളയത്തില്‍ തകര്‍ന്ന മലയോര മേഖലയുടെ വീണ്ടെടുപ്പിനായി നടത്തുന്ന മലയോര മഹോത്സവത്തിന്റെ സംഘാടകസമിതി രൂപവത്കരിച്ചു. അതിജീവനത്തിന് ഒരു കൈത്താങ്ങ് എന്ന സന്ദേശവുമായി തൊണ്ടിമ്മല്‍ ജില്ലാപഞ്ചായത്ത് സ്റ്റേഡിയത്തിലാണ് ജനുവരി 11 മുതല്‍ 27 വരെ മഹോത്സവം നടക്കുക. കര്‍ഷകരുടെയും ചെറുകിട വ്യവസായികളുടെയും ഉത്പന്നങ്ങളുടെ വിപണനമാണ് മേളയുടെ പ്രധാനലക്ഷ്യം. കാര്‍ഷിക വിപണന മേളയോടൊപ്പം സാംസ്‌കാരിക പരിപാടികള്‍, അമ്യൂസ്മെന്റ് പാര്‍ക്ക്, ഫോട്ടോഗ്രാഫി എക്സിബിഷന്‍, ഫ്ളവര്‍ ഷോ, പെറ്റ് ഷോ, സയന്‍സ് ആന്‍ഡ് ടെക്നോളജി എക്സിബിഷന്‍, ഫുഡ് ഫെസ്റ്റ്, കുടുംബശ്രീ കലാമേള, ടൂര്‍ പാക്കേജുകള്‍ എന്നിവയും ഉണ്ടാകും. ജില്ലാ പഞ്ചായത്തും കൊടുവള്ളി, കുന്ദമംഗലം ബ്ലോക്ക് പഞ്ചായത്തുകളും 17 പഞ്ചായത്തുകളും മുക്കം, കൊടുവള്ളി നഗരസഭകളും മഹോത്സവവുമായി സഹകരിക്കും. സംഘാടകസമിതി രൂപീകരണ യോഗം കാരാട്ട് റസാഖ് എം എല്‍ എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ബാബു പാറശ്ശേരി അധ്യക്ഷത നഹിച്ചു. പഞ്ചായത്ത് പ്രസിഡന്റുമാരായ പി ടി അഗസ്റ്റിന്‍, കെ എസ് ഡീന, സോളി ജോസഫ്, ഗ്രേസി നെല്ലിക്കുന്നേല്‍, പി വി പങ്കജാക്ഷന്‍, ജില്ലാ പഞ്ചായത്തംഗം സി കെ കാസിം, സൂപ്പര്‍ അഹമ്മദുകുട്ടി ഹാജി, ഗീതാ വിനോദ്, ഏലിയാമ്മ ജോര്‍ജ്, വി എ നസീര്‍, പ്രശോഭ് പെരുമ്പടപ്പില്‍, മുക്കം വിജയന്‍, ഡോ. പി എം മത്തായി, ഫിലിപ്പ് പാമ്പാറ, ഗണേഷ് ബാബു, കെ മോഹനന്‍, ബോസ് ജേക്കബ്ബ്, ജോയി മ്ലാക്കുഴി, എ അബൂബക്കര്‍ മൗലവി, പി പ്രകാശ്, ഗീതാ വിനോദ് എന്നിവര്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies