16-Dec-2018 (Sun)
 
 
 
 
‍കുറ്റിയാടി, പേരാമ്പ്ര മേഖലകളിലെ രാഷ്ട്രീയ സംഘര്‍ഷത്തിന് അറുതിയായില്ല
   
vps
21-Nov-2018
 

കുറ്റിയാടി: സി പി ഐ എം ജില്ലാ സെക്രട്ടറിയുടെ മകനും ഭാര്യയും അക്രമിക്കപ്പെട്ടതുമായി ബന്ധപ്പെട്ട് കുറ്റിയാടി, പേരാമ്പ്ര മേഖലകളില്‍ ഉടലെടുത്ത രാഷ്ട്രീയ സംഘര്‍ഷത്തിന് അറുതിയായില്ല. കഴിഞ്ഞ ശനിയാഴ്ചയാണ് സി പി എം ജില്ലാ സെക്രട്ടറി പി മോഹനന്‍ മാസ്റ്ററുടെ മകന്‍ ജൂലിയസ് നികിതാസ്, ഏഷ്യാനെറ്റ് കോഴിക്കോട് ബ്യൂറോയിലെ റിപ്പോര്‍ട്ടറും ജൂലിയസ് നികിതാസിന്റെ ഭാര്യയുമായ സാനിയോ മനോമി എന്നിവര്‍ക്കു നേരെ ആര്‍ എസ് എസ് പ്രവര്‍ത്തകരുടെ അക്രമമുണ്ടായത്. ചൊവ്വാഴ്ച അര്‍ധ രാത്രിക്ക് ശേഷം സി പി എം വിലങ്ങാട് ബ്രാഞ്ച് സെക്രട്ടറി കാഞ്ഞിരപ്പാറ ഗിരീഷിന്റെ വീടിനുനേരെ ബോംബേറുണ്ടായി. വീടിന്റെ മുന്‍ഭാഗത്തെ ചുമരിനും ജനലുകള്‍ക്കും കേടുപാടികള്‍ സംഭവിച്ചെങ്കിലും ആര്‍ക്കും പരുക്കേറ്റിട്ടില്ല. കല്ലോട് ഡി വൈ എഫ് ഐ പ്രവര്‍ത്തകനായ സിദ്ദാര്‍ത്ഥിനുനേരെയും അക്രമമുണ്ടായി. വളയം ലോക്കല്‍ കമ്മിറ്റി ഓഫീസ് അക്രമിക്കുകയും സി പി എം പ്രവര്‍ത്തകനായ കണാരന്റെ വീടിനു മുകളില്‍ ആര്‍ എസ് എസ് എന്ന് എഴുതി വെക്കുകയും ചെയ്തു. ജൂലിയസ് നികിതാസിനെയും ഭാര്യയെയും അക്രമിച്ച സംഭവത്തില്‍ അറസ്റ്റിലായ ആര്‍ എസ് എസ് പ്രവര്‍ത്തകന്‍ അമ്പലക്കുളങ്ങര നിട്ടൂര്‍ ഏരത്ത് സുധീഷിന്റെ വീടുനു നേരെയും കഴിഞ്ഞ ദിവസം ബോംബേറുണ്ടായിരുന്നു. അക്രമങ്ങള്‍ വ്യാപിക്കാതിരിക്കാന്‍ പോലീസ് കനത്ത ജാഗ്രത പുലര്‍ത്തുന്നുണ്ട്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies