16-Dec-2018 (Sun)
 
 
 
 
‍കൊടുവള്ളി നഗരസഭയില്‍ സമ്പൂര്‍ണ്ണ ഡിജിറ്റര്‍ വിവര ശേഖരണത്തിന് തുടക്കം
   
vps
29-Nov-2018
 

കൊടുവള്ളി: കൊടുവള്ളി നഗരസഭയില്‍ സമ്പൂര്‍ണ്ണ ഡിജിറ്റര്‍ വിവര ശേഖരണം ആരംഭിച്ചു. നഗരസഭയുടെ ഭരണം ഡിജിറ്റലൈസ് ചെയ്യുന്നതിനായുള്ള ഇന്റലിജന്റ് പ്രോപ്പര്‍ട്ടി മാനേജ്‌മെന്റ് പദ്ധതിയാണ് കൊടുവള്ളിയില്‍ നടപ്പിലാക്കുന്നത്. നഗര സഭയിലെ മുഴുവന്‍ കെട്ടിടങ്ങളുടെയും ഫോട്ടോകളും നഗരസഭാ പിരിധിയിലെ താമസക്കാരുടെ പൂര്‍ണ വിവരങ്ങളും ഡിജിറ്റര്‍ സര്‍വെയിലൂടെ ശേഖരിച്ചാണ് പദ്ധതി പ്രാവര്‍ത്തികമാക്കുന്നത്. ഡി ജി പി എസ്, ഡ്രോണ്‍, ലേസര്‍ ടേപ്പ് എന്നീ സംവിധാനങ്ങള്‍ ഉപയോഗിച്ച് ഫോട്ടോകളും മറ്റു വിവരങ്ങളും ശേഖരിക്കുന്നതിനു പുറമെ മുഴുവന്‍ വീടുകളിലും കയറി വിവരങ്ങള്‍ ശേഖരിച്ച് പ്രത്യേക വെബ് പോര്‍ട്ടലില്‍ രേഖപ്പെടുത്തും. ഏതൊരു കെട്ടിടത്തിന്റെയും നമ്പര്‍ ഉപയോഗിച്ച് ഫോട്ടോ ഉള്‍പ്പെടെയുള്ള പൂര്‍ണ വിവരങ്ങള്‍ കണ്ടെത്താന്‍ ഉദ്യോഗസ്ഥര്‍ക്ക് കഴിയുമെന്നതിനാല്‍ കൃത്യ നിര്‍വഹണം കുറ്റമറ്റതാക്കാനാവുമെന്നാണ് പ്രതീക്ഷിക്കുന്നത്. അത്യാധുനിക സംവിധാനങ്ങളോടെയുള്ള ഡ്രോണ്‍ ഉപയോഗിച്ചാണ് കെട്ടിടങ്ങളുടെയും മറ്റും ഫോട്ടോകള്‍ പകര്‍ത്തുന്നത്. റോഡ്, പാലം, കള്‍വര്‍ട്ട്, ഡ്രൈനേജ്, കനാല്‍, റോഡ് ജംഗ്ഷന്‍, റോഡ് സിഗ്നല്‍, ഡിവൈഡര്‍, പാര്‍ക്കിംഗ് എന്നിവയുടെയെല്ലാം ഫോട്ടോകളും പൂര്‍ണ വിവരങ്ങളും ശേഖരിക്കും. ഊരാളുങ്കല്‍ ലേബര്‍ കണ്‍സ്ട്രക്ഷന്‍ സൊസൈറ്റിയാണ് പദ്ധതി ഏറ്റെടുത്ത് നടപ്പിലാക്കുന്നത്. രഹസ്യ വിവരങ്ങള്‍ ഒഴികെയുള്ളവ പൊതുജനങ്ങള്‍ക്കും ലഭ്യമാക്കുന്ന രീതിയിലാണ് വെബ് പോര്‍ട്ടല്‍ ക്രമീകരിക്കുന്നത്. പദ്ധതി പ്രാവര്‍ത്തികമായാല്‍ വ്യാപാര വ്യവസായ മേഖലകള്‍ക്കുള്‍പ്പെടെ പ്രയോജനം ലഭിക്കുമെന്നാണ് വിലയിരുത്തപ്പെടുന്നത്.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies