16-Dec-2018 (Sun)
 
 
 
 
‍നവോത്ഥാന ചിത്രകലാ ക്യാമ്പ് ആരംഭിച്ചു
   
vps
30-Nov-2018
 

കോഴിക്കോട്: കേരള നവോത്ഥാനം പ്രമേയമാക്കി കേരള ലളിതകലാ അക്കാദമി സംഘടിപ്പിക്കുന്ന ചിത്രകലാ ക്യാമ്പ് മാനാഞ്ചിറ മൈതാനത്തിനോട് ചേര്‍ന്നുള്ള അന്‍സാരി പാര്‍ക്കില്‍ ആരംഭിച്ചു. അക്കാദമിയുടെ കോഴിക്കോട് ആര്‍ട്ട് ഗ്യാലറിയില്‍ കരിവെള്ളൂര്‍ മുരളി ക്യാമ്പ് ഉദ്ഘാടനം ചെയ്തു. അക്കാദമി നിര്‍വ്വാഹകസമിതി അംഗം പോള്‍ കല്ലാനോട് അധ്യക്ഷത വഹിച്ചു. നിര്‍വ്വാഹക സമിതി അംഗം എബി എന്‍ ജോസഫ്, മാനേജര്‍ എ എസ്, സുഗതകുമാരി എന്നിവര്‍ സന്നിഹിതരായിരുന്നു. സമകാലിക സംഭവങ്ങളുടെ പശ്ചാത്തലത്തില്‍ നവോത്ഥാന മൂല്യങ്ങളുടെ മഹിമ ചോരാതെ ജനങ്ങളെ ഉണര്‍ത്താനും ജനാധിപത്യ മൂല്യങ്ങളെ മുറുകെ പിടിച്ച് സമൂഹത്തെ മുന്നോട്ട് നയിക്കാനും ചിത്രകലയ്ക്കാകുമെന്ന ആശയത്തെ തുടര്‍ന്നാണ് അക്കാദമി സംസ്ഥാനതല ചിത്രകലാ ക്യാമ്പ് സംഘടിപ്പിക്കുന്നത്. പ്രശാന്ത് ഒളവിലം, തങ്കരാജന്‍ വി വി, ബിനുകുമാര്‍ വി, ശരവണ്‍ ബോധി, റോയ് കെ ജോണ്‍, ടിനു കെ ആര്‍, ഷാജി സി കെ, ഉത്തര രമേഷ്, രമേശന്‍ എം, പ്രസന്നന്‍ സി പി, നന്ദു കൃഷ്ണ പി, രാമചന്ദ്രന്‍, ശെല്‍വന്‍ മേലൂര്‍, ജീവന്‍ചി, രാജേഷ് മണിമല, ജെയിന്‍ ജോസഫ്, സത്യനാഥ് എ, രാജേഷ് ട്വിങ്കിള്‍, ബിജുകുമാര്‍ ആര്‍, ഗോവിന്ദന്‍ കണ്ണപുരം എന്നിവരാണ് ക്യാമ്പില്‍ പങ്കെടുക്കുന്നത്. ക്യാമ്പ് ഡിസംബര്‍ ഒന്നിന് സമാപിക്കും.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies