16-Dec-2018 (Sun)
 
 
 
 
‍എയ്ഡ്‌സ് ദിനാചരണം: തെരുവ് നാടക മത്സരം സംഘടിപ്പിച്ചു
   
vps
30-Nov-2018
 

മലാപറമ്പ്: ലോക എയ്ഡ്‌സ് ദിനത്തിനോടനുബന്ധിച്ച് കോളേജ് വിദ്യാര്‍ത്ഥികള്‍ക്കായി നടത്തിയ തെരുവ് നാടക മത്സരത്തിന്റെ ഉദ്ഘാടനം ആരോഗ്യ കുടുംബക്ഷേമ പരിശീലന കേന്ദ്രം പ്രിന്‍സിപ്പല്‍ ഡോ. എം സുജാത നിര്‍വഹിച്ചു. കേരള എയ്ഡ്‌സ് നിയന്ത്രണ സൊസൈറ്റിയും ആരോഗ്യവകുപ്പും സംയുക്തമായാണ് പരിപാടി സംഘടിപ്പിച്ചത്. മനുഷ്യവിഭവ ശേഷിയെയും സാമൂഹ്യബന്ധങ്ങളുടെ കെട്ടുറപ്പിനെയും ബാധിക്കുന്ന എയ്ഡ്‌സിനെതിരെയുള്ള സന്ദേശം വിദ്യാര്‍ത്ഥികളിലൂടെ സമൂഹത്തിലെത്തിക്കുയാണ് പരിപാടിയുടെ ലക്ഷ്യം. മലാപറമ്പ് ആരോഗ്യ കുടുംബക്ഷേമ പരിശീലന കേന്ദ്രം ഓഡിറ്റോറിയത്തില്‍ നടന്ന ചടങ്ങില്‍ ഡെപ്യൂട്ടി മാസ് മീഡിയ ഓഫീസര്‍ ഹംസ ഇസ്മാലി അധ്യക്ഷത വഹിച്ചു. ഹെല്‍ത്ത് എഡുക്കേഷന്‍ ഓഫീസര്‍ കെ പി സാദിഖ് അലി, എന്‍ എച്ച് എം ജൂനിയര്‍ കണ്‍സള്‍ട്ടന്റ് സി ദിവ്യ, കൗണ്‍സിലര്‍ ശ്രീബേഷ് തുടങ്ങിയവര്‍ സംസാരിച്ചു. തെരുവ് നാടക മത്സരത്തില്‍ ആരോഗ്യ കുടുംബക്ഷേമ പരിശീലന കേന്ദ്രം മലാപറമ്പ് ഒന്നാം സ്ഥാനവും, ഗുരുവായൂരപ്പന്‍ കോളേജ് രണ്ടാം സ്ഥാനവും, ഗവ. നഴ്‌സസ് സ്‌കൂള്‍ ബീച്ച്, പ്രൊവിഡന്‍സ് വുമണ്‍സ് കോളേജ് എന്നിവര്‍ മൂന്നാം സ്ഥാനവും കരസ്ഥമാക്കി.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies