16-Dec-2018 (Sun)
 
 
 
 
‍കുടുംബശ്രീ സ്‌കൂള്‍ രണ്ടാം ഘട്ടം പ്രവേശനോല്‍സവം നടത്തി
   
vps
06-Dec-2018
 

പുതുപ്പാടി: കുടുംബശ്രീ സംഘടന സംവിധാനത്തെ ശക്തീകരിക്കുന്നതിനായുള്ള കുടുംബശ്രീ സ്‌കൂളിന്റെ രണ്ടാം ഘട്ടത്തിന്റെ പ്രവേശനോല്‍സവം പുതുപ്പാടി ഗ്രാമപഞ്ചായത്തിലെ പറശേരി കോളനിയിലെ ഐശ്വര്യ കുടുംബശ്രീയില്‍ നടന്നു. അയല്‍ക്കൂട്ടങ്ങളില്‍ ഡിസംബര്‍1 മുതല്‍ ആരംഭിക്കുന്ന ക്ലാസുകള്‍ ജനുവരി 13 ന് സമാപിക്കും. അയല്‍കൂട്ട അംഗങ്ങള്‍ക്ക് വിവിധ വിഷയങ്ങളില്‍ ബോധവല്‍കരണം നടത്തുന്ന ഈ സമൂഹാധിഷ്ഠിത പരിശീലന പരിപാടിയില്‍ 6 വിഷയങ്ങളില്‍ 2 മണിക്കൂര്‍ വീതമുള്ള ക്ലാസുകള്‍ ആണ് നടക്കുക. കുടുംബശ്രീ അയല്‍ക്കൂട്ടം, കുടുംബശ്രീ പദ്ധതികള്‍, അയല്‍ക്കൂട്ടത്തിലെ കണക്കെഴുത്തിന്റെ പ്രാധാന്യം, ധനമാനേജ്‌മെന്റ് കുടുംബത്തിലും അയല്‍ക്കൂട്ടത്തിലും, ദാരിദ്ര്യ ലഘൂകരണത്തില്‍ ഉപജീവന പ്രവര്‍ത്തനങ്ങള്‍ക്കുള്ള പങ്ക്, ദുരന്ത നിവാരണത്തില്‍ അയല്‍ക്കൂട്ടങ്ങള്‍ക്കുള്ള പങ്ക് എന്നീ വിഷയങ്ങളാണ് ആറ് ക്ലാസുകളില്‍ പഠനവിധേയമാക്കുന്നത് ഡോക്യുമെന്റ് ചെയ്യുന്നതിനായി പ്രത്യേക മൊബൈല്‍ അപ്ലിക്കേഷനും തയ്യാറാക്കിയിട്ടുണ്ട്. എല്ലാ ക്ലാസിലും പങ്കെടുത്തു പഠനം വിജയകരമായി പൂര്‍ത്തീകരിക്കുന്ന അയല്‍ക്കൂട്ടങ്ങള്‍ക്ക് സര്‍ട്ടിഫിക്കറ്റ് ലഭ്യമാകും. ഫെബ്രുവരി മാസം നടത്തുന്ന അയല്‍ക്കൂട്ട ഗ്രേഡിംഗില്‍ ഈ സര്‍ട്ടിഫിക്കറ്റ് നിര്‍ണായകമാണ്.ഒരു എഡിഎസിലെ 7 അയല്‍ക്കൂട്ടങ്ങള്‍ക്ക് ഒരു റിസോഴ്‌സ് പേഴ്‌സണ്‍ എന്ന രീതിയിലാണ് പരിശീലനം ലഭിച്ച റിസോഴ്‌സ് പേഴ്‌സണ്‍മാര്‍ ക്ലാസിന് നേതൃത്വം നല്‍കുന്നത്. പ്രവേശനോല്‍സവം ഗ്രാമപഞ്ചായത്ത് വൈസ് പ്രസിഡന്റ് കുട്ടിയമ്മ മാണി ഉദ്ഘാടനം ചെയ്തു. സ്റ്റാന്‍ഡിംഗ് കമ്മിറ്റി ചെയപേഴ്‌സണ്‍ ഐബി റെജി അദ്ധ്യക്ഷത വഹിച്ചു. സിഡിഎസ് ചെയര്‍പേഴ്‌സണ്‍ സീന ചന്ദ്രന്‍ സ്റ്റാന്റിംഗ് കമ്മിറ്റി ചെയര്‍മാന്‍ മുജീബ് മാക്കണ്ടി, എം ഇ ജലീല്‍, ഗ്രാമപഞ്ചായത്ത് മെമ്പര്‍മാരായ കെ ജി ഗീത, ഫാത്തിമ ബീവി, സൗദ ബഷീര്‍, സി ഡി എസ് വൈസ് ചെയര്‍പേഴ്‌സണ്‍ ഷീബ സജി, സി ഡി എസ് മെമ്പര്‍ ഗീത ഗോപാലന്‍ എന്നിവര്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies