16-Dec-2018 (Sun)
 
 
 
 
‍താമരശ്ശേരി അസിസ്റ്റന്റ് രജിസ്ട്രാര്‍ ജനറല്‍ ഓഫീസ് ശനിയാഴ്ച നാടിന് സമര്‍പ്പിക്കും
   
vps
08-Dec-2018
 

താമരശ്ശേരി: താമരശ്ശേരി താലൂക്കിലേക്ക് പുതുതായി അനുവദിച്ച സഹകരണ സംഘം അസിസ്റ്റന്റ് രജിസ്ട്രാര്‍ ജനറല്‍ ഓഫീസ് ശനിയാഴ്ച വൈകിട്ട് നാലുമണിക്ക് സഹകരണ വകുപ്പുമന്ത്രി കടകംപള്ളി സുരേന്ദ്രന്‍ നാടിന് സമര്‍പ്പിക്കും. കാരാട്ട് റസാഖ് എം എല്‍ എ അധ്യക്ഷത വഹിക്കും. എം എല്‍ എ മാരായ ജോര്‍ജ് എം തോമസ്, പുരുഷന്‍ കടലുണ്ടി തുടങ്ങിയവര്‍ സംബന്ധിക്കും. താമരശ്ശേരി ആസ്ഥാനമായി താലൂക്ക് രൂപീകരിച്ചതിന്റെ ഭാഗമായാണ് സഹകരണസംഘം അസിസ്റ്റന്റ് രജിസ്ട്രാര്‍ ഓഫീസ് അനുവദിച്ചുകൊണ്ട് സര്‍ക്കാര്‍ ഉത്തരവായത്. ഒക്ടോബര്‍ ഒന്നിന് ഓഫീസ് നിലവില്‍ വന്നെങ്കിലും കെട്ടിട സൗകര്യം ഇല്ലാത്തതിനാല്‍ കോഴിക്കോട് ആസ്ഥാനമായാണ് പ്രവര്‍ത്തിച്ചിരുന്നത്. താമരശ്ശേരി പുതിയ ബസ്റ്റാന്റിനോട് ചേര്‍ന്ന് മാനിപുരം റോഡിലെ സ്വകാര്യ കെട്ടിടത്തിലാണ് അസിസ്റ്റന്റ് രജിസ്ട്രാര്‍ ജനറല്‍ ഓഫീസിന് സൗകര്യം ഒരുക്കിയത്. അസിസ്റ്റന്റ് രജിസ്ട്രാര്‍, ഓഫീസ് ഇന്‍സ്‌പെക്ടര്‍, എ ആന്റ് ഇ, ഓഫീസ് അസിസ്റ്റന്റ്, പാര്‍ട് ടൈം സ്വീപര്‍ എന്നിവരുടെ ഓരോ തസ്തികകളാണ് പുതുതായി സൃഷ്ടിച്ചത്. കൂടാതെ കോഴിക്കോട്, കൊയിലാണ്ടി താലൂക്കുകളില്‍ നിന്നായി ആറ് ഇന്‍സ്‌പെക്ടര്‍മാരെ പുനക്രമീകരണത്തിലൂടെയും നിയമിച്ചിട്ടുണ്ട്. താമരശ്ശേരി താലൂക്കിലെ കൊടുവള്ളി നഗരസഭയിലെയും താമരശ്ശേരി, പുതുപ്പാടി, കോടഞ്ചേരി, ഓമശ്ശേരി, കട്ടിപ്പാറ, കിഴക്കോത്ത്, നരിക്കുനി, തിരുവമ്പാടി, കൂടരഞ്ഞി, പനങ്ങാട്, ഉണ്ണികുളം പഞ്ചായത്തുകളിലെയും നൂറ്റിപത്തോളം സഹകരണ സംഘങ്ങളാണ് അസിസ്റ്റന്റ് രജിസ്ട്രാര്‍ ഓഫീസിന് കീഴിലുള്ളത്. താമരശ്ശേരി, തിരുവമ്പാടി എന്നിങ്ങനെ രണ്ട് യൂണിറ്റുകളായാണ് പ്രവര്‍ത്തനം.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies