20-Mar-2019 (Wed)
 
 
 
 
‍ആദിവാസി കോളനിയില്‍ ക്രിസ്തുമസ് ആഘോഷമൊരുക്കി ഡോക്ടര്‍മാര്‍
   
vps
27-Dec-2018
 

കട്ടിപ്പാറ: ആദിവാസി കോളനിയില്‍ ആയുര്‍വേദ ഡോക്ടര്‍മാരുടെ നേതൃത്വത്തില്‍ ക്രിസ്തുമസ് ആഘോഷം ഒരുക്കി. കട്ടിപ്പാറ കാക്കണഞ്ചേരി ആദിവാസി കോളനിയിലാണ് കട്ടിപ്പാറ ഗവ. ആയുര്‍വേദ ഡിസ്‌പെന്‍സറിയിലെ മെഡിക്കല്‍ ഓഫീസര്‍ കെ പ്രവീണിന്റെ നേതൃത്വത്തില്‍ ക്രിസ്തുമസ് ആഘോഷം ഒരുക്കിയത്. ഗ്രാമപഞ്ചായത്തിന്റെ പ്രത്യേക ഫണ്ട് ഉപയോഗിച്ച് കോളനിയില്‍ നടക്കുന്ന പതിവ് മെഡിക്കല്‍ ക്യാമ്പിനെത്തിയ ഡോക്ടര്‍മാരുടെ സംഘം കൃസ്മസ് കേക്കും മധുര പലഹാരങ്ങളും കരുതിയിരുന്നു. കോളനിയിലെ കുട്ടികള്‍ ഉള്‍പ്പെടെയുള്ളവര്‍ക്കൊപ്പം ചേര്‍ന്ന് കേക്ക് മുറിക്കുകയും കോളനിക്കാര്‍ക്ക് വിതരണം ചെയ്യുകയും ചെയ്തു. ഡോ. ശ്രീജൈ മുഖ്യാതിഥിയായിരുന്നു. ജൂനിയര്‍ ഡോക്ടര്‍മാരായ അനീന ബാബു, ആതിര, പ്രണവ്, ഹസീം, ഫാര്‍മസി അസിസ്റ്റന്റ് സബിത, ട്രൈബല്‍ പ്രൊമോട്ടര്‍ ജിഷ തുടങ്ങിയവര്‍ സംബന്ധിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies