19-Mar-2019 (Tue)
 
 
 
 
‍റേഷന്‍ കാര്‍ഡ് വിതരണം സമയബന്ധിതമാക്കും: മന്ത്രി പി തിലോത്തമന്‍
   
vps
28-Dec-2018
 

കോഴിക്കോട്: റേഷന്‍ കടകളില്‍ വിതരണത്തിനായി ധാന്യങ്ങള്‍ എല്ലാമാസവും 15ാം തീയ്യതിക്കകം എത്തിക്കണമെന്നും ആദിവാസി മേഖലകളില്‍ ഭക്ഷ്യധാന്യവിതരണം കാര്യക്ഷമമാക്കുന്നതിന് വനം, െ്രെടബല്‍ വകുപ്പുകളുടെ വാഹനം ഉപയോഗിക്കുന്നതിന് പ്രൊപ്പോസല്‍ തയ്യാറാക്കണമെന്നും ഭക്ഷ്യസിവില്‍ സപ്ലൈസ് വകുപ്പ്മന്ത്രി പി തിലോത്തമന്‍ നിര്‍ദേശിച്ചു. കോഴിക്കോട് കലക്‌ട്രേറ്റ് കോണ്‍ഫറന്‍സ് ഹാളില്‍ പാലക്കാട് മുതല്‍ കാസര്‍കോട് വരെയുള്ള ജില്ലകളിലെ ജില്ലാ സപ്ലൈ ഓഫീസര്‍മാരുടെ അവലോകന യോഗത്തില്‍ സംസാരിക്കുകയായിരുന്നു മന്ത്രി. എഫ് സി ഐ ഗോഡൗണുകളില്‍ നിന്ന് അരി വിതരണത്തിനായി എടുക്കുമ്പോള്‍ ആക്ഷേപത്തിന് ഇടയാക്കാതെ ഗുണമേന്മ ഉറപ്പുവരുത്തുന്നതിന് ശ്രദ്ധിക്കണമെന്നും റേഷന്‍കടകളുടെ നവീകരണം ജനുവരി 31 നകം പൂര്‍ത്തിയാക്കണമെന്നും മന്ത്രി പറഞ്ഞു. മൂന്ന് മാസം തുടര്‍ച്ചയായി റേഷന്‍ വാങ്ങാത്ത കാര്‍ഡുടമകളെ കണ്ടെത്തി പരിശോധിച്ച് അനര്‍ഹര്‍ ആണെങ്കില്‍ ഒഴിവാക്കണം. റേഷന്‍ കാര്‍ഡ് അപേക്ഷകളിന്മേലുള്ള ഡാറ്റാ എന്‍ട്രി ഉടന്‍ പൂര്‍ത്തിയാക്കുന്നതിനും മന്ത്രി യോഗത്തില്‍ സിവില്‍ സപ്ലൈസ് വകുപ്പ് ഉദ്യോഗസ്ഥര്‍ക്ക് നിര്‍ദേശം നല്‍കി. ജില്ലാ കലക്ടര്‍ സീറാം സാംബശിവ റാവു, സിവില്‍ സപ്ലൈസ് കമ്മീഷണര്‍ സി എ ലത, കണ്‍ട്രോളര്‍ ഓഫ് റേഷനിംഗ് പി മീന, ഡപ്യൂട്ടി കണ്‍ട്രോളര്‍ ദാക്ഷായണികുട്ടി, അസി. സെക്രട്ടറി വേണുഗോപാല്‍ എന്നിവര്‍ യോഗത്തില്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies