16-Jun-2019 (Sun)
 
 
 
 
‍യുവജനങ്ങള്‍ ഉത്തരവാദിത്വബോധമുള്ളവരാവണം: കലക്ടര്‍ സാംബശിവ റാവു
   
vps
28-Dec-2018
 

കോഴിക്കോട്: യുവജനങ്ങള്‍ സാമൂഹ്യ അവബോധമുള്ളവരായാലെ രാജ്യത്തിന് മുന്നോട്ടുള്ള വളര്‍ച്ച ഉണ്ടാവൂ എന്ന് ജില്ലാ കലക്ടര്‍ സാംബശിവ റാവു പറഞ്ഞു. നെഹ്‌റു യുവ കേന്ദ്ര യൂത്ത് ഹോസ്റ്റലില്‍ സംഘടിപ്പിച്ച ത്രിദിന യുവജന നേതൃത്വ പരിശീലന സാമൂഹ്യ വികസന പരിപാടിയില്‍ പങ്കെടുത്ത യുവാക്കളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. എം അനില്‍ കുമാര്‍ ജില്ലാ യൂത്ത് കോഓര്‍ഡിനേറ്റര്‍, എം മോഹനദാസന്‍, പി ജയപ്രകാശ്, സഹീല്‍ പാവണ്ടൂര്‍ എന്നിവര്‍ സംസാരിച്ചു. 3 ദിവസത്തെ ക്യാമ്പില്‍ ജില്ലയിലെ വിവിധ സന്നദ്ധ സംഘടനകളില്‍ നിന്നായി 50 യുവതീ യുവാക്കള്‍ പങ്കെടുത്തു. വ്യക്തിത്വ വികസനം, നേതൃത്വ ഗുണം, ആശയവിനിമയം, പ്രസംഗപരിശീലനം, തൊഴില്‍ മാര്‍ഗ്ഗ നിര്‍ദ്ദേശം, ബാങ്കിംഗ് ഫിനാന്‍ഷ്യല്‍ ലിറ്ററസി, യോഗ, സോഷ്യല്‍ മീഡിയയും യുവാക്കളും, മയക്കുമരുന്ന് ദുരുപയോഗം എന്നീ വിഷയങ്ങളില്‍ ജാഫര്‍ ചീക്കിലോട്, കെ പ്രവീണ്‍ കുമാര്‍, റൂഷിദ, രാജന്‍ മലയില്‍, പി ഹേമപാലന്‍ തുടങ്ങിയവര്‍ ക്ലാസുകള്‍ നയിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies