21-Jan-2019 (Mon)
 
 
 
 
‍പുതുവത്സരാഘോഷത്തിനിടെ ബൈക്ക് അപകടം: രണ്ടുപേര്‍ മരിച്ചു
   
vps
01-Jan-2019
 

ചേളന്നൂര്‍: പുതുവത്സരാഘോഷത്തിനിടെ ബൈക്ക് ഇലക്ട്രിക് പോസ്റ്റിലിടിച്ച് രണ്ടുപേര്‍ മരിച്ചു. ചേളന്നൂര്‍ കണ്ണങ്കര അഞ്ചാം വളവ് പൊറ്റങ്ങാടി ജയന്റെ മകന്‍ അഭിഷേക്(25), കണ്ണങ്കര വാളിപ്പുറത്ത് സുധാകരന്റെ മകന്‍ സ്‌നിജിന്‍(21) എന്നിവരാണ് മരിച്ചത്. പുലര്‍ച്ചെ രണ്ടുമണിയോടെ ചേളന്നൂരിലായിരുന്നു അപകടം. സുഹൃത്തുക്കളായ ഇവര്‍ പുതുവത്സരാഘോഷത്തിനായാണ് വീട്ടില്‍ നിന്നും ഇറങ്ങിയത്. വീട്ടിലേക്ക് മടങ്ങുന്നതിനിടെയാണ് അപകടമെന്ന് സംശയിക്കുന്നു. ഓടിക്കൂടിയ നാട്ടുകാര്‍ ഇരുവരെയും കോഴിക്കോട് മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരിച്ചിരുന്നു. മോര്‍ച്ചറിയിലേക്ക് മാറ്റിയ മൃതദേഹം കാക്കൂര്‍ പോലീസ് ഇന്‍ക്വസ്റ്റ് നടത്തി പോസ്റ്റ് മോര്‍ട്ടം നടപടികള്‍ പൂര്‍ത്തിയാക്കി ബന്ധുക്കള്‍ക്ക് വിട്ടു കൊടുക്കും.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies