20-Mar-2019 (Wed)
 
 
 
 
‍മാമ്പുഴയെ വീണ്ടെടുക്കാന്‍ കര്‍മപദ്ധതികളുമായി ജില്ലാ പഞ്ചായത്ത്
   
vps
11-Jan-2019
 

കോഴിക്കോട്: മാലിന്യം നിറഞ്ഞ് ഒഴുക്ക് നഷ്ട്ടപ്പെട്ട മാമ്പുഴ ഒന്നേമുക്കാല്‍ കോടി രൂപ വിനിയോഗിച്ച് കോഴിക്കോട് ജില്ലാ പഞ്ചായത്ത് നവീകരിക്കുന്നു. പ്ലാസ്റ്റിക്കും അറവുമാലിന്യവും നിറഞ്ഞ മാമ്പുഴയ്ക്ക് പുനര്‍ജന്മം നല്‍കുന്നതിനുള്ള രണ്ടാം ഘട്ട പദ്ധതിയാണിപ്പോള്‍ പുരോഗമിക്കുന്നത്. കോഴിക്കോട്, കുന്ദമംഗലം ബ്ലോക്ക് പഞ്ചായത്തുകളുടെയും പെരുവയല്‍, പെരുമണ്ണ, ഒളവണ്ണ ഗ്രാമ പഞ്ചായത്തുകളുടെയും പങ്കാളിത്തത്തോടെയാണ് പദ്ധതി നടപ്പിലാക്കുന്നത്. ജില്ലാ പഞ്ചായത്ത് എഞ്ചിനീയറിംഗ് വിഭാഗം മുഖേന യു എല്‍ സി സിയാണ് പ്രവൃത്തി നടത്തി വരുന്നത്. നാല് ഘട്ടങ്ങളിലായാണ് പണി പൂര്‍ത്തീകരിക്കുക. പുഴയുടെ വീതി കുറഞ്ഞ ഭാഗങ്ങളിലും കള്‍വള്‍ട്ടുകളിലും അടിഞ്ഞു കൂടിയ മാലിന്യം ഒന്നാം ഘട്ട പ്രവൃത്തിയുടെ ഭാഗമായി നീക്കം ചെയ്തു കഴിഞ്ഞു. രണ്ടാം ഘട്ടത്തില്‍ കൂടുതലുള്ള ചെളി നീക്കം ചെയ്ത് പുഴയുടെ ആഴം കൂട്ടി ഒഴുക്ക് വര്‍ധിപ്പിക്കാനാണ് ലക്ഷ്യം. ഇത് പൂര്‍ത്തീകരിച്ച ശേഷം ജൈവഭൂവസ്ത്രം വിരിച്ച് പുഴഭിത്തി സംരക്ഷിക്കും. മൂന്ന് ഗ്രാമപഞ്ചായത്തുകളിലും ഗ്രാമപഞ്ചായത്ത് പ്രസിഡന്റുമാര്‍ ചെയര്‍മാനായും ഓരോ വാര്‍ഡിലും വാര്‍ഡ് മെമ്പര്‍ ചെയര്‍മാനായുമുള്ള പുഴസംരക്ഷണ സമിതിയാണ് മാലിന്യങ്ങള്‍ നിക്ഷേപിക്കുന്നത് തടയാന്‍ മേല്‍നോട്ടം നടത്തുന്നത്. മാലിന്യം അകറ്റി മാമ്പുഴയെ വന്‍ ജലസ്രോതസ്സായി മാറ്റുകയാണ് ഹരിതകേരള മിഷന്റെ പദ്ധതി.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies