15-Oct-2019 (Tue)
 
 
 
 
‍ജില്ലാ ആയുര്‍വേദ ആശുപത്രിയില്‍ ലിഫ്റ്റ് യാഥാര്‍ത്ഥ്യമായി
   
vps
11-Jan-2019
 

കോഴിക്കോട്: ജില്ലാ ആയുര്‍വേദ ആശുപത്രിയില്‍ പുതുതായി നിര്‍മിച്ച ലിഫ്റ്റിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി നിര്‍വഹിച്ചു. ആയുര്‍വേദ ആശുപത്രിയിലെത്തുന്ന രോഗികളുടെ വര്‍ഷങ്ങളായുള്ള ആവശ്യം പരിഗണിച്ചാണ് ജില്ലാ പഞ്ചായത്തിന്റെ ആഭിമുഖ്യത്തില്‍ ലിഫ്റ്റ് പൂര്‍ത്തിയാക്കിയത്. മുട്ടുവേദനയും നടുവേദനയുമടക്കം നിരവധി പ്രശ്‌നങ്ങള്‍ അനുഭവിക്കുന്ന രോഗികളാണ് ദിവസേന ഈ ആശുപത്രിയിലെത്തുന്നത്. കിടപ്പുരോഗികളടക്കം നിരവധി പേര്‍ക്ക് ലിഫ്റ്റ് ഉപകാരപ്പെടും. ജില്ലാ പഞ്ചായത്തും ഐ എസ് എം വകുപ്പും 5,50000 രൂപയാണ് പദ്ധതിക്കായി വിനിയോഗിച്ചിരിക്കുന്നത്. പരിപാടിയില്‍ പ്രസൂതി തന്ത്ര പ്രൊജക്ട് ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടങ്ങോട്ടും വര്‍ണ്ണ്യം പദ്ധതി ഉദ്ഘാടനം വാര്‍ഡ് കൗണ്‍സിലര്‍ ആശാ ശശാങ്കനും ധാരപാത്തി കൈമാറല്‍ ആയുര്‍വേദ കോ ഓപ്പറേറ്റീവ് സൊസൈറ്റി പ്രസിഡന്റ് ഡോക്ടര്‍ സനല്‍കുമാറും നിര്‍വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ മുക്കം മുഹമ്മദ് അധ്യക്ഷനായി കെ ഇ എല്‍ പ്രൊജക്ട് മാനേജര്‍ ടി കെ മുരളീധരന്‍ പദ്ധതി അവതരണം നടത്തി. ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസര്‍ ഡോ എന്‍ ശ്രീകുമാര്‍, നാഷണല്‍ ആയുഷ് മിഷന്‍ ഡി പി എം സുഗേഷ് കുമാര്‍, തുടങ്ങിയവര്‍ പങ്കെടുത്തു. ഐ എസ് എം ജില്ലാ മെഡിക്കല്‍ ഓഫീസര്‍ കെ എം മന്‍സൂര്‍ സ്വാഗതവും ജില്ലാ ആയുര്‍വേദ ആശുപത്രി സൂപ്രണ്ട് പി സി ജെസ്സി നന്ദിയും പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies