12-Nov-2019 (Tue)
 
 
 
 
‍താമരശ്ശേരി ഗവ. ഹയര്‍ സെക്കന്ററി സ്‌കൂളില്‍ എന്‍ എസ് എസ് വാരാഘോഷം
   
vps
19-Sep-2019
 

താമരശ്ശേരി: നാഷണല്‍ സര്‍വ്വീസ് സ്‌കീം സുവര്‍ണ്ണ ജൂബിലിയുടെ ഭാഗമായി താമരശ്ശേരി ഗവ. ഹയര്‍ സെക്കന്ററി സ്‌കൂളില്‍ വാരാഘോഷം സംഘടിപ്പിക്കുന്നു. ദുരന്ത നിവാരണ പരിശീലനം, ഗാന്ധി സ്മൃതി, ട്രോമാ കെയര്‍, അംഗന്‍വാടി നവീകരണം, തുറ വായനശാല, പാലിയേറ്റീവ് കെയര്‍ തുടങ്ങിയ പ്രവര്‍ത്തനങ്ങള്‍ക്കാണ് രൂപം നല്‍കിയത്. ജീവിതം സേവനമാക്കി മാറ്റിയ ഡയാന ലിസി വാരാഘോഷം ഉദ്ഘാടനം ചെയ്തു. ലഹരിക്കെതിരെ സ്‌കൂള്‍ എന്‍ എസ് എസ് യൂണിറ്റ് നിര്‍മ്മിക്കുന്ന ഹ്രസ്വ ചിത്രത്തിന്റെ പ്രൊമോ ചടങ്ങില്‍ പ്രകാശനം ചെയ്തു. പ്രിന്‍സിപ്പാള്‍ ആര്‍ കെ മുഹമ്മദ് ഷാഫി അധ്യക്ഷത വഹിച്ചു. അധ്യാപകരായ എം ടി അബ്ദുള്‍ അസീസ്, ശശീന്ദ്രന്‍, അഭിനന്ദ് എന്നിവര്‍ പ്രസംഗിച്ചു. പ്രോഗ്രാം ഓഫീസര്‍ കെ മധുസൂദനന്‍ സ്വാഗതവും ലീഡര്‍ ഉദയ് രമേശന്‍ നന്ദിയും പറഞ്ഞു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies