12-Nov-2019 (Tue)
 
 
 
 
‍കരുവന്‍പൊയില്‍ ജി എം യു പി സ്‌കൂളില്‍ സാധ്യം പഠനം ലളിതം പരിഹാര ബോധ പരിപാടിക്ക് തുടക്കമായി
   
vps
27-Sep-2019
 

കൊടുവള്ളി: പഠനത്തില്‍ പിന്നോക്കം നില്‍ക്കുന്ന വിദ്യാര്‍ത്ഥികള്‍ക്കായി കരുവന്‍പൊയില്‍ ജി എം യു പി സ്‌കൂളില്‍ സാധ്യം പഠനം ലളിതം പരിഹാര ബോധ പരിപാടിക്ക് തുടക്കമായി. മലയാളം എഴുതാനും വായിക്കാനും പ്രയാസമുള്ള കുട്ടികളെ കണ്ടെത്തി അവര്‍ക്ക് പ്രത്യേക പരിശീലനം നല്‍കുന്നതിന്നായാണ് പ്രശസ്ത പരിശീലകന്‍ അബ്ദു മാനിപുരം തയ്യാറാക്കിയ സാധ്യം പഠനം ലളിതം പരിഹാരബോധ പരിപാടിക്ക് കരുവന്‍പൊയില്‍ ജി എം യു പി സ്‌കൂളില്‍ തുടക്കം കുറിച്ചത്. ആഴ്ചയില്‍ 2 ദിവസം രാവിലെ ഒരു മണിക്കൂറും ഉച്ചക്ക് ശേഷം രണ്ടു മണിക്കൂറുമായി 45 മണിക്കൂറാണ് പരിശീലനം. വിദ്യാര്‍ത്ഥികളെ വീട്ടില്‍ നിന്ന് പരിശീലിപ്പിക്കാന്‍ രക്ഷിതാക്കളെയും പ്രാപ്തരാക്കും. മാനിപുരം ആസ്ഥാനമായുള്ള ഹീലിംഗ് ലൈറ്റ് സെന്ററില്‍ പരിശീലനം നേടിയ വളണ്ടിയര്‍മാരാണ് ക്ലാസുകള്‍ക്ക് നേതൃത്വം നല്‍കുന്നത്. നഗരസഭ ചെയര്‍പേഴ്‌സന്‍ ശരീഫ കണ്ണാടി പൊയില്‍ പരിപാടി ഉദ്ഘാടനം ചെയ്തു. വാര്‍ഡ് കൗണ്‍സിലെര്‍ വായോളി മുഹമ്മദ് മാസ്റ്റര്‍ അധ്യക്ഷത വഹിച്ചു. ഉപജില്ലാ വിദ്യാഭ്യാസ ഓഫീസര്‍ വി മുരളീകൃഷ്ണന്‍, ഹീലിംഗ് ലൈറ് മാനേജര്‍ സുലൈമാന്‍, പി ടി എ പ്രസിഡന്റ് പി ടി നാസര്‍, ഹൈസ്‌കൂള്‍ പ്രധാനാധ്യാപിക പി കെ സവിത, യു പി സ്‌കൂള്‍ പ്രധാനാധ്യാപകന്‍ ഇ അബ്ദുല്‍ അസീസ് തുടങ്ങിയവര്‍ സംസാരിച്ചു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies