25-May-2020 (Mon)
 
 
 
 
‍കാരുണ്യ ദിനത്തില്‍ അധ്യാപക ദമ്പതിമാരെ ആദരിച്ച് എം ഇ എസ് വിദ്യാര്‍ത്ഥികള്‍
   
vps
14-Nov-2019
 

കൈതപ്പൊയില്‍: 1950 കളില്‍ വിദ്യഭ്യാസ പരമായി പിന്നാക്കം നിന്നിരുന്ന കൈതപ്പൊയില്‍ ജി എം യു പി സ്‌കൂളില്‍ അധ്യാപകരായി നാല് തലമുറകള്‍ക്ക് അറിവിന്റെ അക്ഷരവെളിച്ചം പകര്‍ന്ന് നല്‍കിയ വെസ്റ്റ് കൈതപ്പൊയില്‍ സ്വദേശികളായ അറക്കല്‍ മാണിസാറിനേയും ഭാര്യ അന്നമ്മ ടീച്ചറേയും വിദ്യാര്‍ത്ഥികള്‍ ആദരിച്ചു. 94 വയസ്സിലും പൂര്‍ണ ആരോഗ്യത്തോടെ ദിനചര്യകള്‍ ചെയ്ത് വരുന്ന ദമ്പതിമാര്‍ കഴിഞ്ഞകാല കലാലയ അനുഭവങ്ങള്‍ വിദ്യാര്‍ത്ഥികളുമായി പങ്കുവെച്ചു. കൈതപ്പൊയില്‍ എം ഇ എസ് ഫാത്തിമ റഹീം സെന്‍ട്രല്‍ സ്‌കൂള്‍ വിദ്യാര്‍ത്ഥികളാണ് അവരുടെ ഭവനത്തില്‍ ഈ പ്രത്യേക പരിപാടി സങ്കടിപ്പിച്ചത്. 35 വര്‍ഷം മുമ്പ് റിട്ടയര്‍ ചെയ്ത ഈ അധ്യാപക ദമ്പതികളുടെ മകന്‍ ഈ വര്‍ഷം റിട്ടയര്‍ ചെയ്യുകയാണ്. ലോക കാരുണ്യ ദിനത്തോടനുബന്ധിച്ച് നടത്തിയ പരിപാടിയിന്‍ കെ എം ഡി മുഹമ്മദ്, എ സി അബ്ദുള്‍ അസീസ് മുഹമ്മദ്, മുഹമ്മദലി, മനോജ് പി മാത്യു, ജോണ്‍സണ്‍, അജ്‌ലാന്‍ മുഹമ്മദ്, ഷാമില്‍ സി ടി, മുഹമ്മദ് ഷാന്‍, ഹുസ്‌ന, നാദിയ, റിഫാന തുടങ്ങിയവര്‍ പങ്കെടുത്തു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies