31-May-2020 (Sun)
 
 
 
 
‍വാഹന അപകടത്തില്‍ പരിക്കേറ്റ് ചികിത്സയിലായിരുന്ന മദ്രസ അധ്യാപകന്‍ മരിച്ചു
   
vps
30-Dec-2019
 

മൂഴിക്കല്‍: വാഹന അപകടത്തില്‍ പരിക്കേറ്റ് ചികിത്സയിലായിരുന്ന മദ്രസ അധ്യാപകന്‍ മരിച്ചു. ചെലവൂര്‍ മൂഴിക്കല്‍ കോരകാത്തു പരേതനായ അബൂബക്കറിന്റെ മകന്‍ സുബീര്‍(36) ആണ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ മരിച്ചത്. കേരള പത്രപ്രവര്‍ത്തക അസോസിയേഷന്‍ സംസ്ഥാന വൈസ് പ്രസിഡന്റ് സലീം മൂഴിക്കലിന്റെ സഹോദരി പുത്രനാണ്. കഴിഞ്ഞ വ്യാഴാഴ്ച രാത്രി 11.45 ന് കാളാണ്ടിതാഴം ജംഗ്ഷനിലായിരുന്നു അപകടം. സുഹൃത്തിന് വാഹനാപകടത്തില്‍ പരിക്കേറ്റ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയില്‍ ആണെന്നറിഞ്ഞ സുബീര്‍ ഇവിടേക്ക് പോകുന്നതിനിടെ എതിരെ വന്ന കാര്‍ ഇടിച്ചു തെറിപ്പിക്കുകയായിരുന്നു. കോഴിക്കോട് മെഡിക്കല്‍ കോളേജ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലിരിക്കെ തിങ്കളാഴ്ച പുലര്‍ച്ചെ ആയിരുന്നു മരണം. പോസ്റ്റുമോര്‍ട്ടത്തിന് ശേഷം ഉച്ചയോടെ മയ്യിത്ത് വീട്ടില്‍ എത്തിക്കും. മയ്യിത്ത് നിസ്‌കാരം ഉച്ചയോടെ ചെലവൂര്‍ പുളിക്കല്‍ ജുമുഅ മസ്ജിദില്‍. മാതാവ്: സക്കീന. ഭാര്യ: സുബൈനത്ത്. മക്കള്‍: ഹുസ്നി ബക്കര്‍, മുന സൈനബ്. സഹോദരിമാര്‍: സുബിയാനത്ത്, ഹസീന, നദീറ.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies