02-Jul-2020 (Thu)
'കോവിഡിനോട് പൊരുതി ജയിക്കുന്ന കേരളം' പുസ്തകത്തിന്റെ ജില്ലാതല പ്രകാശനം നടന്നു മുഖ്യ മന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിക്ക് തുടക്കമായി താമരശ്ശേരി എ ഇ ഒ ഒഫീസിന് മുന്‍പില്‍ കെ എസ് യു ധര്‍ണ്ണ നടത്തി താമരശ്ശേരി ചമല്‍ കേളന്‍മൂല ഭാഗത്ത് നിന്നും വാഷും ചാരായവും പിടിച്ചെടുത്തു പ്ലാസ്റ്റിക് ടോള്‍ ബൂത്തുകള്‍ സ്ഥാപിച്ചു പുതുപ്പാടിയില്‍ കാട്ടുപന്നികളെ വെടിവെച്ചുകൊല്ലുന്നതിനുള്ള നടപടികള്‍ക്കായി ജാഗ്രതാ സമിതി ചേര്‍ന്നു കര്‍ഷക കൂട്ടായ്മ താമരശ്ശേരി ഫോറസ്റ്റ് റെയ്ഞ്ച് ഓഫീസിലേക്ക് മാര്‍ച്ച് നടത്തി മുഖത്ത് പ്ലാസ്റ്റിക് ഡബ്ബ കുടുങ്ങിയ കുറുക്കനെ രക്ഷപ്പെടുത്തി തൃക്കുറ്റിശ്ശേരി വയല്‍ പീടിക പുതിയപാലം മന്ത്രി ജി സുധാകരന്‍ നാടിന് സമര്‍പ്പിച്ചു സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി പുല്ലാളൂര്‍ പുറായില്‍ ഒലോറക്കുന്ന് റോഡ് മന്ത്രി ഉദ്ഘാടനം ചെയ്തു
 
 
 
 
‍മാധ്യമ പ്രവര്‍ത്തകനെ മോഷ്ടാവെന്നാരോപിച്ച് തടഞ്ഞു വെച്ചു
   
vps
21-May-2020
 

നരിക്കുനി: നരിക്കുനി കാവുംപൊയിലില്‍ മാധ്യമ പ്രവര്‍ത്തകനെ മോഷ്ടാവെന്നാരോപിച്ച് തടഞ്ഞു വെച്ചു. മാധ്യമം ദിനപത്രത്തിന്റെ കോഴിക്കോട് ബ്യൂറോയിലെ സീനിയര്‍ റിപ്പോര്‍ട്ടര്‍ സി പി ബിനീഷിനെയാണ് പൂനൂരിലെ വീട്ടിലേക്കുള്ള യാത്രക്കിടെ ഒരു സംഘം തടഞ്ഞു വെച്ചത്. കൊടുവള്ളി പോലീസ് സ്ഥലത്തെത്തിയാണ് രക്ഷപ്പെടുത്തിയതെന്നും ഇതിനിടെ ഫോട്ടോയും വീഡിയോയും പകര്‍ത്തി പ്രചരിപ്പിച്ചിരുന്നുവെന്നും ബിനീഷ് പറഞ്ഞു. ബുധനാഴ്ച രാത്രി പത്തുമണിയോടെ നരിക്കുനി കാവുംപൊയിലിലായിരുന്നു സംഭവം. കോഴിക്കോട് നിന്നും ജോലി കഴിഞ്ഞ് പൂനൂരിലെ വീട്ടിലേക്ക് മടങ്ങുന്നതിനിടെയാണ് ഒരു ഫോണ്‍ വന്നത്. തുടര്‍ന്ന് സ്‌കൂട്ടര്‍ നിര്‍ത്തുകയും സംസാരം കഴിഞ്ഞ് മുന്നോട്ടെടുക്കുമ്പോള്‍ ബൈക്കിലെത്തിയ യുവാവ് തടഞ്ഞ് നിര്‍ത്തുകയുമായിരുന്നുവെന്ന് ബിനീഷ് പറഞ്ഞു. മാധ്യമപ്രവര്‍ത്തകനാണെന്ന് പറയുകയും സര്‍ക്കാര്‍ നല്‍കിയ തിരിച്ചറിയല്‍ കാര്‍ഡ് കാണിക്കുകയും ചെയ്‌തെങ്കിലും അംഗീകരിക്കാതെ കൂടുതല്‍ ആളുകളെ വിളിച്ചു വരുത്തി. പതിനഞ്ചോളം ആളുകള്‍ വടിയും മറ്റു ആയുധങ്ങളുമായി സ്ഥലത്തെത്തി ചോദ്യം ചെയ്യല്‍ തുടര്‍ന്നുവെന്നും പിന്നീട് കൂടുതല്‍ പേര്‍ സ്ഥലത്തെത്തിയെന്നും ബിനീഷ് കൊടുവള്ളി പോലീസില്‍ നല്‍കിയ പരാതിയില്‍ പറയുന്നു. മാസ്‌ക് പോലും ധരിക്കാതെ എത്തിയവരോട് അകലം പാലിക്കാന്‍ ആവശ്യപ്പെട്ടപ്പോള്‍ സ്‌കൂട്ടറിന്റെ താക്കോല്‍ ഊരി എടുക്കുകയും വസ്ത്രത്തില്‍ പിടിച്ചു വലിക്കുകയും ചെയ്തു. സംഘടിച്ചെത്തിയവരെ പോലീസ് പിന്തിരിപ്പിച്ചു വിട്ടു. സംഭവത്തില്‍ കൊടുവള്ളി പോലീസ് അന്വേഷണം ആരംഭിച്ചു. ആള്‍ക്കൂട്ടം പോലീസിന്റെ ജോലി ഏറ്റെടുക്കുകയും നിയമം കയ്യിലെടുക്കുകയും ചെയ്യുന്നത് അംഗീകരിക്കാനാവില്ലെന്നും കുറ്റവാളികള്‍ക്കെതിരെ കര്‍ശന നടപടി സ്വീകരിക്കണമെന്നും പത്രപ്രവര്‍ത്തക യൂണിയന്‍ കോഴിക്കോട് ജില്ലാ കമ്മിറ്റി ആവശ്യപ്പെട്ടു.

 

 
 
 
Share
SocialTwist Tell-a-Friend

 
 
 

All rights reserved | Website developed and maintained by Zyonz Technologies