മദ്യപിച്ചു വാഹനമോടിച്ച് അപകടമുണ്ടാക്കിയ എ എസ് ഐയും സുഹൃത്തുക്കളും അറസ്റ്റില്‍
തൃശ്ശൂര്‍: മദ്യപിച്ച് വാഹനമോടിച്ച് ബൈക്ക് യാത്രക്കാരെ ഇടിച്ച് നിര്‍ത്താതെ പോയ സംഭവത്തില്‍ എ എസ് ഐയും സംഘവും അറസ്റ്റില്‍. വടക്കേക്കാട് സ്റ്റേഷനിലെ താത്കാലിക ഡ്യൂട്ടിയിലായിരുന്ന മലപ്പുറം പോലീസ് കാമ്പിലെ എ എസ് ഐ പ്രശാന്താണ് അറസ്റ്റിലായത്. ഇന്നലെ രാത്രി തൃശൂര്‍ കണ്ണാറയിലാണ് സംഭവം.
അപകടത്തിന് ശേഷം വാഹനം നിര്‍ത്താതെ പോകുകയായിരുന്നു. ബൈക്ക് യാത്രക്കാരായ രണ്ട് പേര്‍ക്കും കാലിന് സാരമായി പരുക്കേറ്റിട്ടുണ്ട്. രണ്ട് പേരുടെയും കാലൊടിഞ്ഞു. കണ്ണാറയിലെ ഒരു വീട്ടിലെ പിറന്നാള്‍ ആഘോഷത്തിന് ശേഷം മടങ്ങുകയായിരുന്നു സംഘം. അപകടം നടന്ന് മുന്നോട്ട് പോയ കാര്‍ ഒരു കിലോമീറ്റര്‍ ദൂരെ ടയര്‍ പൊട്ടിയതിനെ തുടര്‍ന്ന് നിര്‍ത്തി. തുടര്‍ന്ന് നാട്ടുകാര്‍ പിന്നാലെയെത്തി പിടികൂടുകയായിരുന്നു.
