രാമനാട്ടുകരയില്‍ കണ്ടെയ്‌നര്‍ ലോറി കാറിലും ഓട്ടോയിലും ഇടിച്ച് രണ്ട് പേര്‍ മരിച്ചു
രാമനാട്ടുകര: രാമനാട്ടുകരയില്‍ കണ്ടെയ്‌നര്‍ ലോറി കാറിലും ഓട്ടോയിലും ഇടിച്ച് രണ്ട് പേര്‍ മരിച്ചു. പൈമ്പാലുശ്ശേരി സ്വദേശികളായ കൃഷ്ണന്‍കുട്ടി(55), ഭാര്യ സുധ(45) എന്നിവരാണ് മരിച്ചത്. അറപ്പുഴ പാലത്തില്‍ ഇന്ന് വൈകിട്ടായിരുന്നു അപകടം. ലോറി കാറിനുനേരേ ഇടിച്ചു കയറുകയായിരുന്നെന്നാണ് പ്രാഥമിക വിവരം. കാര്‍ തകര്‍ന്ന് ലോറിയുടെ അടിയിലേക്ക് കയറിപ്പോയി. ഗുഡ്സ് ഓട്ടോയും അപകടത്തില്‍പ്പെട്ടു. നാല് പേര്‍ക്ക് പരിക്കേറ്റു. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അപകടത്തെത്തുടര്‍ന്ന് തൊണ്ടയാട് രാമനാട്ടുകര റോഡില്‍ ഏറെനേരം ഗതാഗതം പൂര്‍ണ്ണമായി സ്തംഭിച്ചു.
