കീഴ്മാട് ഉമ്മളത്തൂര്‍ റോഡ് പി ടി എ റഹീം എം എല്‍ എ ഉദ്ഘാടനം ചെയ്തു
പെരുവയല്‍: പെരുവയല്‍ ഗ്രാമപഞ്ചായത്തില്‍ പ്രവൃത്തി പൂര്‍ത്തീകരിച്ച കീഴ്മാട് ഉമ്മളത്തൂര്‍ റോഡ് പി ടി എ റഹീം എം എല്‍ എ ഉദ്ഘാടനം ചെയ്തു. തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 12 ലക്ഷം രൂപയാണ് ഈ റോഡിന്റെ നവീകരണത്തിനായി അനുവദിച്ചിരുന്നത്. കീഴ്മാട് അങ്ങാടിയില്‍നിന്ന് കുണ്ടുകുളങ്ങര വഴി ഉമ്മളത്തൂരില്‍ എത്തിച്ചേരുന്നതിനുള്ള എളുപ്പ മാര്‍ഗ്ഗമാണ് ഈ റോഡ്.
പെരുവയല്‍ ഗ്രാമപഞ്ചായത്ത് പ്രസിഡന്റ് എം കെ സുഹറാബി അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പര്‍ കെ പി അശ്വതി, കെ എം ഗണേശന്‍, അനില്‍കുമാര്‍ കാരാട്ട്, എം പി സന്തോഷ് സംസാരിച്ചു. ഗ്രാമപഞ്ചായത്ത് മെമ്പര്‍ സുസ്മിത വിത്താരത്ത് സ്വാഗതവും പി കെ അനില്‍കുമാര്‍ നന്ദിയും പറഞ്ഞു.
