ഹെല്‍ത്ത് ഇന്‍സ്പെക്ടറെ വീട്ടിനുള്ളില്‍ തീകൊളുത്തി മരിച്ച നിലയില്‍ കണ്ടെത്തി
തൃശ്ശൂര്‍: തങ്ങാലൂരില്‍ വനിതാ ഹെല്‍ത്ത് ഇന്‍സ്പെക്ടര്‍ വീട്ടിനുള്ളില്‍ തീകൊളുത്തി മരിച്ച നിലയില്‍ കണ്ടെത്തി. തങ്ങാലൂര്‍ സ്വദേശിയായ അമ്പിളി(53)യാണ് മരിച്ചത്. വീട്ടിലെ ശുചിമുറിയിലാണ് അമ്പിളിയെ മണ്ണെണ്ണയൊഴിച്ച് തീകൊളുത്തി മരിച്ച നിലയില്‍ കണ്ടെത്തിയത്. തൃശ്ശൂര്‍ അവണൂര്‍ പി എച്ച് സിയില്‍ ജൂനിയര്‍ പബ്ലിക്ക് ഹെല്‍ത്ത് നേഴ്സ് ആയിരുന്ന അമ്പിളിക്ക് അടുത്തിടെയാണ് എല്‍ എച്ച് ഐ ആയി സ്ഥാനക്കയറ്റം ലഭിച്ചത്. വരവൂര്‍ പി എച്ച് സിയില്‍ ജോലിയില്‍ പ്രവേശിക്കാതെ അവധിയെടുക്കുകയായിരുന്നു. അമ്പിളിക്ക് നേരിയ മാനസികാസ്വാസ്ഥ്യം ഉണ്ടായിരുന്നതായി പോലീസ് പറയുന്നു. പ്രാഥമിക അന്വേഷണത്തില്‍ മരണത്തില്‍ മറ്റ് അസ്വാഭാവികതയില്ലെന്ന് പോലീസ് വ്യക്തമാക്കി.
