Naattuvaartha

News Portal Breaking News kerala, kozhikkode,

ട്യൂഷന് വിളിച്ചുവരുത്തി എട്ടുവയസ്സുകാരിയെ പീഡിപ്പിച്ച തൃശ്ശൂര്‍ സ്വദേശിനിക്ക് 20 വര്‍ഷം കഠിന തടവ്

തൃശ്ശൂര്‍: ട്യൂഷന്‍ ക്ലാസ്സിനെത്തിയ എട്ടുവയസുകാരിയെ പീഡിപ്പിച്ച യുവതിക്ക് 20 വര്‍ഷം കഠിന തടവ് വിധിച്ച് കോടതി. തൃശ്ശൂര്‍ ജില്ലയിലെ തിരുവില്വാമലയില്‍ 2017ലാണ് കേസിനാസ്പദമായ സംഭവം നടന്നത്. ഹിന്ദി ട്യൂഷനു വേണ്ടി വീട്ടിലെത്തിയ പ്രായപൂര്‍ത്തിയാകാത്ത പെണ്‍കുട്ടിയെ 48 കാരിയായ യുവതി ലൈംഗിക പീഡനത്തിന് ഇരയാക്കുകയായിരുന്നു. യുവതിക്ക് 20 വര്‍ഷം കഠിനതടവിനു പുറമെ ഒരു ലക്ഷം രൂപ പിഴയടക്കാനും കോടതി ശിക്ഷ വിധിച്ചു.

തൃശ്ശൂര്‍ ഫാസ്റ്റ് ട്രാക്ക് സ്‌പെഷ്യല്‍ കോടതി ജഡ്ജി ബിന്ദു സുധാകരനാണ് തിരുവില്വാമല സ്വദേശിനിയ്ക്ക് ശിക്ഷ വിധിച്ചത്. പിഴ അടയ്ക്കാത്ത പക്ഷം പത്തുമാസം കൂടി കഠിനതടവ് അനുഭവിക്കണമെന്നും ഉത്തരവില്‍ പറയുന്നു. പ്രോസിക്യൂഷനു വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ അഡ്വക്കേറ്റ് കെ പി അജയകുമാര്‍ ഹാജരായി. ചെറുതുരുത്തി ഇന്‍സ്‌പെക്ടര്‍ സി വിജയകുമാരന്‍ ആണ് പ്രതിയെ അറസ്റ്റുചെയ്തത്. പിന്നീട് കേസ് ഏറ്റെടുത്ത അസിസ്റ്റന്റ് കമ്മീഷണര്‍ ടി എസ് സിനോജാണ് കുറ്റപത്രം സമര്‍പ്പിച്ചത്.


Leave a Reply

Your email address will not be published. Required fields are marked *

error: Content is protected !!