സ്‌കൂട്ടറില്‍ മദ്യം കടത്തിയ റിട്ട. എസ് ഐയും സഹായിയും അറസ്റ്റില്‍
തളിപ്പറമ്പ്: സ്‌കൂട്ടറില്‍ മദ്യം കടത്തിയ റിട്ട. എസ് ഐയും സഹായിയും അറസ്റ്റില്‍. ചുഴലി സ്വദേശിയായ റിട്ട. എസ് ഐ ഉണ്ണികൃഷ്ണന്‍( ഉണ്ണിപ്പൊലീസ്), ചുഴലി മൊട്ടക്കേപ്പീടിക മുണ്ടയില്‍ വീട്ടില്‍ നാരായണന്‍ എന്നിവരാണ് അറസ്റ്റിലായത്. തളിപ്പറമ്പ് എക്സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍ എം വി അഷറഫിന്റെ നേതൃത്വത്തില്‍ കുറുമാത്തൂര്‍ ബാവുപ്പറമ്പ ഭാഗങ്ങളില്‍ നടത്തിയ പരിശോധനയിലാണ് ഇരുവരും പിടിയിലായത്. 24 കുപ്പി വിദേശ മദ്യം ഇവരില്‍ നിന്നും പിടികൂടി. അബ്കാരി നിയമപ്രകാരം ഇവര്‍ക്കെതിരെ കേസെടുത്തു. സിവില്‍ എക്സൈസ് ഓഫീസര്‍മാരായ കെ വി ഷൈജു, പി ആര്‍ വിനീത് എന്നിവരും പരിശോധനയില്‍ പങ്കെടുത്തു.
