കോഴിക്കോട് താലൂക്കിലെ ഫെബ്രുവരി മാസത്തെ റേഷന്‍ വിതരണം ആരംഭിച്ചു
കോഴിക്കോട്: താലൂക്കിലെ ഫെബ്രുവരി മാസത്തെ റേഷന്‍ വിതരണം ആരംഭിച്ചു. എ എ വൈ കാര്‍ഡിന് 10 കിലോ പച്ചരി, 06 കിലോ കുത്തരി, 14 കിലോ പുഴുങ്ങലരി, ഒരു കിലോ ആട്ട, 4 കിലോ ഗോതമ്പ് വീതം ലഭിക്കും. മുന്‍ഗണന കാര്‍ഡില്‍ ആളൊന്നിന് 2 കിലോ പച്ചരി, 2 കിലോ പുഴുങ്ങലരി, ഒരു കിലോ ഗോതമ്പ്, കാര്‍ഡ് ഒന്നിന് ഒരു കിലോ ആട്ട എന്നിവ ലഭിക്കും. എന്‍ പി എസ് കാര്‍ഡില്‍(നീല കാര്‍ഡ്) ആളൊന്നിന് ഒരു കിലോ പച്ചരി, ഒരു കിലോ പുഴുങ്ങലരി വീതവും ലഭ്യതക്കനുസരിച്ച് 3 കിലോ വരെ ആട്ടയും ലഭിക്കും. എന്‍ പി എന്‍ എസ്(വെള്ള കാര്‍ഡ്) കാര്‍ഡ് ഒന്നിന് 3 കിലോ പച്ചരി, 4 കിലോ പുഴുങ്ങലരി എന്നിവയും ആട്ട ലഭ്യതക്കനുസരിച്ച് 3 കിലോ വരെയും ലഭിക്കും. പി എം ജി കെ എ വൈ പ്രകാരം മഞ്ഞ, പിങ്ക് കാര്‍ഡുകള്‍ക്ക് ആളൊന്നിന് 4 കിലോ പുഴുക്കലരിയും ഒരു കിലോ ഗോതമ്പും ലഭിക്കും.
