ഗൂഡാലോചന കേസില് എ ഡി ജി പി. ബി സന്ധ്യക്കെതിരെ ദിലീപ്

കൊച്ചി: അന്വേഷണ ഉദ്യോഗസ്ഥര്ക്കെതിരായ ഗൂഡാലോചന കേസില് എഡിജിപി ബി.സന്ധ്യക്കെതിരെ ദിലീപ് ഹൈക്കോടതിയില്. ഗൂഡാലോചന നടന്നെന്ന് പറയുന്നത് ആലുവ പൊലീസ് സ്റ്റേഷന് പരിധിയിലാണ്. വിവരം നല്കേണ്ടിയിരുന്നത് എസ് എച്ച് ഒക്കാണ്. പക്ഷേ ഈ കേസില് ബി സന്ധ്യക്ക് വിവരങ്ങള് കൈമാറിയത് എന്തിനാണെന്ന് ദിലീപ് കോടതിയില് ചോദിച്ചു.

തന്നെ ഇരുമ്പഴിക്കുള്ളിലാക്കുക ലക്ഷ്യമിട്ട് എ ഡി ജി പിയും ഉദ്യോഗസ്ഥരും നടത്തിയ ഗൂഡാലോചനയാണ് പുതിയ കേസ്. പ്രതികളല്ല ഇവിടെ പൊലീസ് ഉദ്യോഗസ്ഥരാണ് ഗൂഡാലോചന നടത്തിയത് എന്ന വാദവും ദിലീപ് ഉന്നയിച്ചു. വി ഐ പി ആരാണെന്ന് പറയാത്തത് മാപ്പുസാക്ഷിയായി ആരെയെങ്കിലും കൂട്ടിച്ചേര്ക്കാനായിരിക്കുമെന്നും പ്രതിഭാഗം ആരോപിച്ചു. അതേസമയം പ്രതിഭാഗം അഭിഭാഷകന് വിഷയത്തെ ലളിതവത്ക്കരിച്ച് സംസാരിക്കുകയാണെന്ന് പ്രോസിക്യൂഷന് വാദിച്ചു.

