തിരുവനന്തപുരം നഗരസഭയില്‍ വീണ്ടും തട്ടിപ്പ്; സസ്‌പെന്‍ഷനിലുള്ള കാഷ്യര്‍ക്കെതിരെ പുതിയ കേസ്
തിരുവനന്തപുരം: നഗരസഭയില്‍ വീണ്ടും തട്ടിപ്പ്. സസ്‌പെന്‍ഷനില്‍ കഴിയുന്ന കാഷ്യര്‍ക്കെതിരെ പുതിയ കേസ്. കാഷ്യര്‍ അന്‍സല്‍ കുമാറിനെതിരെയാണ് കഴകൂട്ടം പൊലീസ് കേസെടുത്തത്. കഴക്കൂട്ടം സോണല്‍ ഓഫീസിലാണ് 2,55,000 രൂപയുടെ ക്രമക്കേട് കണ്ടെത്തിയത്. നികുതിയിനത്തിലും കുടിവെള്ള കണക്ഷന്‍ എടുക്കുന്നതുമായി ബന്ധപ്പെട്ട് റോഡ് മുറിക്കുന്നതിനും ജനങ്ങള്‍ അടച്ച പണം അപഹരിച്ചതായാണ് കണ്ടെത്തല്‍.
നികുതി തട്ടിപ്പുമായി ബന്ധപ്പെട്ട് നഗരസഭയില്‍ ഓഡിറ്റ് വിഭാഗം മാസങ്ങളായി പരിശോധന നടത്തിവരുന്നു. ഇതിനെ തുടര്‍ന്നാണ് പുതിയൊരു തട്ടിപ്പ് കൂടി പുറത്ത് വന്നത്. നഗരസഭ സെക്രട്ടറി നല്‍കിയ പരാതിയില്‍ കഴക്കൂട്ടം പൊലീസ് കേസ് എടുത്തിട്ടുണ്ട്. പക്ഷെ അന്‍സല്‍ കുമാറിന്റെ അറസ്റ്റ് രേഖപ്പെടുത്തിയിട്ടില്ല.
