പുള്ളന്നൂര്‍ സ്‌കൂള്‍ കെട്ടിടത്തിന്റെ പ്രവൃത്തി പി ടി എ റഹീം എം എല്‍ എ ഉദ്ഘാടനം ചെയ്തു
പുള്ളന്നൂര്‍: പുള്ളന്നൂര്‍ ഗവ. എല്‍ പി സ്‌കൂളിന് വേണ്ടി പുതുതായി നിര്‍മ്മിക്കുന്ന കെട്ടിടത്തിന്റെ പ്രവൃത്തി ഉദ്ഘാടനം പി ടി എ റഹീം എം എല്‍ എ നിര്‍വ്വഹിച്ചു. പൊതുവിദ്യാഭ്യാസ സംരക്ഷണ യജ്ഞത്തില്‍ ഉള്‍പ്പെടുത്തി അനുവദിച്ച 28.6 ലക്ഷം രൂപ ചെലവിലാണ് കെട്ടിടം നിര്‍മ്മിക്കുന്നത്.
ചാത്തമംഗലം ഗ്രാമപഞ്ചായത്തിലെ പുള്ളാവൂരില്‍ പ്രവര്‍ത്തിച്ചുവരുന്ന ഈ സ്‌കൂളിന് വേണ്ടി എം.എല്‍.എയുടെ ആസ്തി വികസന ഫണ്ടില്‍ ഉള്‍പ്പെടുത്തി അനുവദിച്ച 25 ലക്ഷം രൂപ ചെലവില്‍ നിര്‍മ്മിച്ച കെട്ടിടത്തിലാണ് ഇപ്പോള്‍ ക്ലാസുകള്‍ നടന്നുവരുന്നത്.
ചാത്തമംഗലം ഗ്രാമപഞ്ചായത്ത് പ്രസിഡണ്ട് ഓളിക്കല്‍ ഗഫൂര്‍ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡണ്ട് എം സുഷമ, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ വി പി എ സിദ്ദീഖ്, വാര്‍ഡ് മെമ്പര്‍ പിടി അബ്ദുറഹിമാന്‍ സംസാരിച്ചു. ഹെഡ്മിസ്ട്രസ് പി.ടി വസന്ത സ്വാഗതവും പി ടി എ പ്രസിഡണ്ട് എ പി അബ്ദുല്‍ അസീസ് നന്ദിയും പറഞ്ഞു.
