തോട്ടുമുക്കത്ത് മയക്കുമരുന്നുമായി രണ്ടു യുവാക്കള്‍ പൊലീസിന്റെ പിടിയിലായി
തോട്ടുമുക്കം: തോട്ടുമുക്കത്ത് മയക്കുമരുന്നുമായി രണ്ടു യുവാക്കള്‍ പൊലീസിന്റെ പിടിയിലായി. ചെറുവാടി അങ്ങാട്ടപൊയില്‍ അഫ്‌സല്‍(27), ചുള്ളിക്കപറമ്പ് തേലേരി ഷാനിദ്(25) എന്നിവരെയാണ് മയക്കുമരുന്നായ എം ഡി എം എ യുമായി മുക്കം പൊലീസ് പിടികൂടിയത്. ബുധനാഴ്ച രാത്രിയായിരുന്നു സംഭവം. തോട്ടുമുക്കം പള്ളിത്താഴെ അങ്ങാടിയില്‍ വാഹന പരിശോധനക്കിടെയാണ് യുവാക്കള്‍ പിടിയിലായത് അഞ്ചു ഗ്രാം മയക്കുമരുന്നാണ് ഇവരില്‍ നിന്ന് കണ്ടെടുത്തത്.
