മലയാളി ദമ്പതികളെ പഴനിയിലെ ഹോട്ടലില് മരിച്ച നിലയില്; ആത്മഹത്യാക്കുറിപ്പില് ഏഴ് പേര്ക്കെതിരെ ആരോപണം
പഴനി: മലയാളി ദമ്പതികളെ തമിഴ്നാട് പഴനിയിലെ ഹോട്ടലില് മരിച്ച നിലയില് കണ്ടെത്തി. എറണാകുളം പള്ളുരുത്തി സ്വദേശി രഘുരാമന് (46), ഭാര്യ ഉഷ (44) എന്നിവരാണ് മരിച്ചത്. ഇന്നലെ വൈകിട്ടാണ് ഹോട്ടല് മുറിയില് ഇവര് മരിച്ച നിലയില് കണ്ടെത്തിയത്. മുറിയില് നിന്നും ആത്മഹത്യാ കുറിപ്പ് കണ്ടെടുത്തിട്ടുണ്ട്. ജാമ്യമില്ലാ കേസില് കുടുക്കി ചിലര് തേജോവധം ചെയ്യുന്നുവെന്നും ഇതില് മനംനൊന്താണ് ജീവനൊടുക്കുന്നതെന്നും കുറിപ്പില് എഴുതിവെച്ചിട്ടുണ്ട്. ഏഴ് പേര്ക്കെതിരെയാണ് ആരോപണമുള്ളത്.
Read also:ഡല്ഹിയില് കുടുംബത്തിലെ നാല് പേരെ കുത്തിക്കൊന്നു; ലഹരിക്കടിമയായ മകന് അറസ്റ്റില്
നാട്ടിലുള്ള രാഷ്ട്രീയ പാര്ട്ടികള് സത്യാവസ്ഥ പുറത്തുകൊണ്ടുവരണമെന്നും ഉത്തരവാദികളെ ശിക്ഷിക്കണമെന്നും കുറിപ്പില് പറയുന്നു. കുട്ടികളെ സഹായിക്കണമെന്നും ആവശ്യപ്പെടുന്നുണ്ട്. പൊലീസ് എത്തി മൃതദേഹങ്ങള് മോര്ച്ചറിയിലേക്ക് മാറ്റി. തിങ്കളാഴ്ച രാത്രിയായിരുന്നു ഇരുവരും ക്ഷേത്രദര്ശനത്തിനായി പഴനിയിലെത്തിയത്.
Read also: ‘അർജന്റീനയുടെ കളിയാണ്, സ്കൂൾ വിടണം’; നിവേദനവുമായി നൊച്ചാട് സ്കൂളിലെ അര്ജന്റീന ഫാന്സ്