മലപ്പുറത്ത് തേങ്ങ തലയില് വീണ് യുവാവിന് പരിക്ക്; സംഭവം കണ്ട് പേടിച്ച തെങ്ങുകയറ്റക്കാരന് താഴെ വീണ് പരിക്ക്
തിരൂരങ്ങാടി: മലപ്പുറത്ത് തേങ്ങ തലയില് വീണ് ഗ്രാമപഞ്ചായത്ത് അംഗമായ യുവാവിന് പരിക്ക്. പടിക്കല് പടിഞ്ഞാറെ പീടിയേക്കല് സഫീറിനാണ് (25) പരിക്കേറ്റത്. മൂന്നിയൂര് പഞ്ചായത്ത് 6-ാം വാര്ഡ് അംഗമാണ് സഫീര്. ഇന്നലെ രാവിലെ 7.30 ന് ആണ് സംഭവം.
Read also:പരീക്ഷാ നടത്തിപ്പിനെ വിമര്ശിച്ചു; അധ്യാപകന് പരസ്യശാസന
സഫീറിന്റെ തലയില് തേങ്ങ വീണത് കണ്ട് പേടിച്ച തേങ്ങയിടാന് കയറിയ വെളിമുക്ക് പാലക്കല് പാറായി കോഴിപറമ്പത്ത് നൗഷാദ്(38) തെങ്ങില് നിന്ന് വീണ് പരിക്കേറ്റു. ഗുരുതരമായി പരുക്കേറ്റ നൗഷാദ് കോഴിക്കോട് മെഡിക്കല് കോളേജ് ആശുപത്രിയിലും സഫീര് കോഴിക്കോട് സ്വകാര്യാശുപത്രിയിലും ചികിത്സയിലാണ്.