കാറില്‍ കറങ്ങി വിദേശ മദ്യ വില്‍പ്പന, യുവതിയും കൂടെ താമസിക്കുന്നയാളും താമരശ്ശേരി എക്‌സൈസിന്റെ പിടിയിലായി
താമരശ്ശേരി: കരിഞ്ചന്തയില്‍ വില്‍പ്പന നടത്താന്‍ കടത്തുകയായിരുന്ന 72 കുപ്പി വിദേശമദ്യവുമായി യുവതി ഉള്‍പ്പെടെ രണ്ട് പേരെ താമരശ്ശേരി എക്സൈസ് അറസ്റ്റ് ചെയ്തു. പുതുപ്പാടി കാക്കവയല്‍ പനച്ചിക്കല്‍ സ്വദേശികളായ വയലപ്പിള്ളില്‍ തോമസ്(67), കാരക്കുഴിയില്‍ ഷീബ(45) എന്നിവരെയാണ് എക്സൈസ് സര്‍ക്കിള്‍ സംഘം അറസ്റ്റ് ചെയ്തത്. ഇവര്‍ സഞ്ചരിച്ച കെ എല്‍ 57 ബി 2599 നമ്പര്‍ കാര്‍ വാവാട് വെച്ച് തടഞ്ഞ് പരിശോധിച്ചപ്പോഴാണ് വിദേശ മദ്യം കണ്ടെത്തിയത്.
കാറും എക്സൈസ് കസ്റ്റഡിയിലെടുത്തു. കോഴിക്കോട് ഭാഗത്തെ ബിവറേജ് ഷോപ്പുകളില്‍ നിന്ന് വന്‍ തോതില്‍ വിദേശ മദ്യം വാങ്ങി പുതുപ്പാടി, കട്ടിപ്പാറ മേഖലകളില്‍ കരിഞ്ചന്തയില്‍ വില്‍പ്പന നടത്തലാണ് ഇവരുടെ രീതി. ഇവര്‍ ഒരുമിച്ചാണ് താമസിക്കുന്നതെന്നും കാറില്‍ കറങ്ങിയാണ് വിദേശമദ്യം വില്‍പ്പന നടത്തുന്നതെന്നും എക്സൈസ് അധികൃതര്‍ പറഞ്ഞു. അസി. എക്സൈസ് ഇന്‍സ്പെക്ടര്‍ സി സന്തോഷ് കുമാര്‍, സിവില്‍ എക്സൈസ് ഓഫീസര്‍മാരായ ബിനീഷ് കുമാര്‍, ആരിഫ്, കെ പി ഷിംല എന്നിവരടങ്ങിയ സംഘമാണ് വിദേശ മദ്യം പിടികൂടിയത്. താമരശ്ശേരി ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റിന് മുന്നില്‍ ഹാജറാക്കിയ പ്രതികളെ 14 ദിവസത്തേക്ക് റിമാണ്ട് ചെയ്തു.
Read Also താമരശ്ശേരിയില്‍ അഞ്ച് കാറുകള്‍ അപകടത്തില്‍ പെട്ടു. രണ്ട് സ്ത്രീകള്‍ക്ക് പരിക്ക്
