ജോലി ഉപേക്ഷിച്ച് നാട്ടിലെത്തിയ യുവാവിന് 80 ലക്ഷം രൂപ ലോട്ടറിയടിച്ചു
ഗൾഫിലെ ജോലി ഉപേക്ഷിച്ച് അമ്മയെ ശുശ്രൂഷിക്കാനായി നാട്ടിലെത്തിയ യുവാവിന് കാരുണ്യ പ്ലസ് ഭാഗ്യക്കുറിയുടെ ഒന്നാം സമ്മാനം. മനക്കൊടി ചിറയത്ത് അത്താണിക്കൽ പ്രിജു പോളിനാണ് ഭാഗ്യം വന്ന ചേർന്നത്. നറുക്കെടുപ്പ് ദിവസം രാവിലെ കുന്നത്തങ്ങാടി കാർ സ്റ്റാൻഡ് പരിസരത്ത് ചായ കുടിക്കാൻ എത്തിയപ്പോഴാണ് പ്രിജു ടിക്കറ്റെടുത്തത്. നാല് ടിക്കറ്റുകളാണ് എടുത്തത്. ഇതിൽ കാരുണ്യ പ്ലസ് ഭാഗ്യക്കുറിയുടെ ഒന്നാം സമ്മാനമായ 80 ലക്ഷം രൂപയാണ് ഇയാൾക്ക് ലഭിച്ചത്.
വൈകിട്ട് കൂട്ടുകാർ വിളിച്ചു പറയുമ്പോഴാണ് ഒന്നാം സമ്മാനം ലഭിച്ച വിവരം പ്രിജു അറിയുന്നത്. കുറച്ചുകാലമായി ലോട്ടറി ടിക്കറ്റുകൾ എടുക്കാറുള്ള പ്രിജുവിന് 5000 രൂപ വരെ ഉള്ള സമ്മാനങ്ങൾ കിട്ടിയിട്ടുണ്ട്. അമ്മ സിസിലിയുടെ അസുഖം ഭേദമായതിനാല്‍ ജർമ്മനിയിലേക്ക് പോകാനുള്ള തയ്യാറെടുപ്പിലായിരുന്നു പ്രിജു.
എല്ലാ വ്യാഴാഴ്ചയും നറുക്കെടുക്കുന്ന ലോട്ടറിയാണ് കാരുണ്യ പ്ലസ്. 40 രൂപയാണ് ടിക്കറ്റ് വില. 80 ലക്ഷം രൂപയാണ് ഒന്നാം സമ്മാനം.
Read Also : താമരശ്ശേരി ചുരത്തിൽ ഓയിൽ ചോർന്നു
