അമ്പത്തിനായിരത്തിനു രണ്ടരലക്ഷം രൂപ തിരിച്ചടച്ചിട്ടും യുവാവിന് ഓൺലൈൻ ആപ്പ് ലോണിന്റെ ഭീഷണി
കോഴിക്കോട് :ഓൺലൈൻ ആപ്പുകൾ വഴി അര ലക്ഷം രൂപ വായ്പയെടുത്ത യുവാവിനു അജ്ഞാതസംഘത്തിന്റെ ഫോൺ ഭീഷണിയിൽ തിരിച്ചടയ്ക്കേണ്ടി വന്നതു രണ്ടര ലക്ഷം രൂപ. കോഴിക്കോട് നഗരത്തിലെ സ്വകാര്യ സ്ഥാപനത്തിലെ ജീവനക്കാരനായ ചേളന്നൂർ എടക്കരമുക്ക് സ്വദേശിയെയാണ് ഓൺലൈൻ വായ്പാതട്ടിപ്പു സംഘം നഗ്നഫോട്ടോ പ്രചരിപ്പിക്കുമെന്നു ഭീഷണിപ്പെടുത്തിയത്. മൊബൈൽ ഫോണിൽ ഓഫർ വന്നതിനെ തുടർന്നു “സ്മാർട്ട് കോയിൻ’, “ഫൈബ്’, “ഇ ക്യാഷ്’, “എം പോക്കറ്റ്’ എന്നീ ആപ്പുകളിൽ നിന്നാണു യുവാവ് വീട്ടുകാർ അറിയാതെ 50,000 രൂപ വായ്പ എടുത്തത് .തുടർന്നു പലിശയടക്കം തുക തിരിച്ചടച്ചുവെങ്കിലുംകുടിശിക ഉണ്ടെന്നു വീണ്ടും വിവിധ നമ്പറുകളിൽ നിന്ന് വാട്സ്ആപ്പ് വഴി വീണ്ടും യുവാവിന് അറിയിപ്പ് വന്നു.തുടർന്ന് അവർ ആവശ്യപ്പെട്ട 60,000 രൂപ കൂടി യുവാവ് അടച്ചു. എന്നാൽ ഒരാഴ്ചയ്ക്കു ശേഷം വീണ്ടും സംഘം കൂടുതൽ പണം ആവശ്യപ്പെടുകയും പണം നൽകിയില്ലെങ്കിൽ കുടുംബാംഗങ്ങൾക്കു നഗ്നഫോട്ടോ അയച്ചു കൊടുക്കുമെന്നു ഭീഷണിപ്പെടുത്തുകയും ചെയ്യുകയായിരുന്നു. ഭീഷണി തുടരുന്ന സാഹചര്യത്തിൽ സൈബർ പൊലീസിനു പരാതിനൽകാനൊരുങ്ങുകയാണ് യുവാവ്.
ReadAlso:ലോൺ ആപ്പിന്‍റെ ഭീഷണിയെന്ന് സംശയം,;വയനാട്ടില്‍ യുവാവ് ആത്മഹത്യ ചെയ്തു
